Soltústik Qazaqstan oblysynda aýyl mektepteriniń birinde jasóspirim oqýshy synyptasyna pyshaq suqqan. Bul týraly oblystyq Densaýlyq saqtaý basqarmasynyń baspasóz qyzmeti málimdedi, dep habarlaıdy “Adyrna” ulttyq portaly.
Aqparatqa sáıkes, tótenshe jaǵdaı Tımırıazev aýdanynyń Aqjan mektebinde bolǵan.
«2009 jyly týǵan ul bala oń jaq ıyǵyndaǵy pyshaq jaraqatymen aýdandyq aýrýhananyń hırýrgııa bólimshesine tústi. Oǵan ota jasap, jarasyn tikti», - dedi SQO Densaýlyq saqtaý basqarmasynyń baspasóz qyzmeti.
Kámelettik jasqa tolmaǵan paıenttiń jaǵdaıy turaqty. Qazir em qabyldap jatyr.
Oblystyq polıııa departamenti kámelettik jasqa tolmaǵan kúdiktiniń ustalǵanyn málimdedi.
«Qajetti tergeý sharalary júrgizilgennen keıin ol ata-anasynyń qadaǵalaýymen úıine jiberildi. Atalǵan fakti boıynsha qylmystyq is qozǵaldy. Tergeý júrip jatyr», - dedi vedomstvonyń baspasóz qyzmeti.
Quqyq buzýshynyń jasyn eskere otyryp, polıııa qyzmetkerleri balany tárbıeleý mindetterin durys atqarmaǵan ata-anasyn da tergeý jumysyna tartpaq.
«Jasóspirim profılaktıkalyq esepke alynady. Sondaı-aq aýdan ákimdigi janyndaǵy kámelettik jasqa tolmaǵandar isi jónindegi komıssııaǵa tıisti usynys beriledi», - dedi polıııa.
