Soltüstık Qazaqstan oblysynda auyl mektepterınıŋ bırınde jasöspırım oquşy synyptasyna pyşaq sūqqan. Būl turaly oblystyq Densaulyq saqtau basqarmasynyŋ baspasöz qyzmetı mälımdedı, dep habarlaidy “Adyrna” ūlttyq portaly.
Aqparatqa säikes, tötenşe jaǧdai Timiriazev audanynyŋ Aqjan mektebınde bolǧan.
«2009 jyly tuǧan ūl bala oŋ jaq iyǧyndaǧy pyşaq jaraqatymen audandyq auruhananyŋ hirurgiia bölımşesıne tüstı. Oǧan ota jasap, jarasyn tıktı», - dedı SQO Densaulyq saqtau basqarmasynyŋ baspasöz qyzmetı.
Kämelettık jasqa tolmaǧan pasienttıŋ jaǧdaiy tūraqty. Qazır em qabyldap jatyr.
Oblystyq polisiia departamentı kämelettık jasqa tolmaǧan küdıktınıŋ ūstalǧanyn mälımdedı.
«Qajettı tergeu şaralary jürgızılgennen keiın ol ata-anasynyŋ qadaǧalauymen üiıne jıberıldı. Atalǧan faktı boiynşa qylmystyq ıs qozǧaldy. Tergeu jürıp jatyr», - dedı vedomstvonyŋ baspasöz qyzmetı.
Qūqyq būzuşynyŋ jasyn eskere otyryp, polisiia qyzmetkerlerı balany tärbieleu mındetterın dūrys atqarmaǧan ata-anasyn da tergeu jūmysyna tartpaq.
«Jasöspırım profilaktikalyq esepke alynady. Sondai-aq audan äkımdıgı janyndaǧy kämelettık jasqa tolmaǧandar ısı jönındegı komissiiaǧa tiıstı ūsynys berıledı», - dedı polisiia.
