ShQO-da arzanǵa qant satamyn dep jurtty aldaǵan alaıaq 90 mln teńgeni qaltaǵa basqan, dep habarlaıdy "Adyrna" portaly.
ShQO Polıııa departamenti baspasóz qyzmetiniń málimetine súıensek, alaıaq ózin kóterme saýdager retinde tanystyryp, naryqtaǵydan áldeqaıda arzan baǵaǵa qant satatyndyǵyn jetkizgen. Ol azamattardan aldyn ala tólem jasaýdy surap, taýardy tek sodan keıin ala alatyndyqtaryn aıtty. Buǵan sengen Óskemen men Rıdder qalalarynyń 100-ge jýyq turǵyny áıel adamnyń shotyna 5 myńnan 4 mıllıon teńgege deıingi mólsherde aqsha jibergen. Al aram oıyn iske asyrǵan alaıaq habar-osharsyz ketti.
«Bir aptanyń ishinde osynshama adam aldanyp otyr. Olarǵa keltirilgen jalpy shyǵyn kólemi 90 mln teńgeni quraıdy. Kúdikti retinde Óskemende turatyn 29 jastaǵy áıel qolǵa tústi. Atalǵan fakti boıynsha QR QK-niń 190-baby 3-bóligine (Alaıaqtyq) sáıkes sotqa deıingi tergeý amaldary júrgizilýde», - deıdi departamenttiń baspasóz qyzmetiniń basshysy Tatıana Karpova.
