Käsıpkerlerge jaŋa Konstitusiia negızderı tüsındırıldı

Qostanai oblysynda «Atameken» Ūlttyq käsıpkerler palatasynyŋ ūjymymen jaŋa Konstitusiia jobasynyŋ negızgı qaǧidalaryn tüsındıruge arnalǧan ügıt-nasihat kezdesuı öttı. Is-şara aşyq dialog formatynda ūiymdastyrylyp, qatysuşylar özderın qyzyqtyratyn sūraqtardy qoiyp, maŋyzdy taqyryptardy talqylady.

Kezdesude öŋırlık koalisiia müşelerı Daulet Ümbetov pen Nūrkelgen Öteulin baiandama jasady. Olar jobanyŋ maqsaty – zaŋ üstemdıgın, ädılettı qoǧamdy, azamattardyŋ qūqyqtary men bostandyqtaryn, sondai-aq memlekettık basqarudyŋ tūraqtylyǧy men boljamdylyǧyn küşeitu ekenın atap öttı.

Arnaiy nazar memlekettık-qūqyqtyq ortanyŋ aşyqtyǧy men käsıpkerlık belsendılıktıŋ damuyna jaǧdai jasau, azamattar men käsıpkerlerdıŋ qūqyqtary men müddelerın saqtau mäselelerıne audaryldy. Spikerler jaŋa normalar qoǧam men ekonomikanyŋ tūraqty damuyna mümkındık beretının aitty.

Kezdesu barysynda qatysuşylar sūraqtaryn qoiyp, joba boiynşa tüsınıktemeler aldy. Dialog qūrylymdy jäne käsıbi jaǧdaida öttı, būl käsıpkerler arasynda konstitusiialyq özgerısterdı talqylaudyŋ maŋyzdylyǧyn körsettı.