2026 jylǧy 15 nauryzda Qazaqstannyŋ barlyq aumaǧynda jaŋa Konstitusiiaǧa arnalǧan respublikalyq referendum öttı. Kün boiy barlyq sailau uchaskelerınıŋ baqylauşylary öz boryşyn oryndauǧa niet bıldırgen azamattardyŋ ülken aǧynyna kuä boldy.
Täuelsız baqylauşylar, azamattyq qoǧam ökılderı jäne halyqaralyq sarapşylar dauys beru prosessterınıŋ joǧary deŋgeide ūiymdastyrylǧanyn, proseduralardyŋ aşyq bolǧanyn jäne aitarlyqtai būzuşylyqtardyŋtırkelmegenın rastady.
«El dauysy» qoǧamdyq qorynyŋ jetekşısı, tanymal bloger Aida Jeksenovanyŋaituynşa, baqylauşylar künı boiy dauys beru uchaskelerıne halyqtyŋ köp kelıp jatqanyn atap ötken eken. Onyŋ aituynşa, kei jerlerde adamdar uchaske aşylmai tūryp jinala bastaǧan, al dauys beruşılerdıŋ aǧyny tūraqty bolǧan. Kelgender arasynda egde jastaǧy azamattar, studentter jäne jastar köp baiqaldy.
Sonymen qatar, Aida Jeksenova «El dauysy» qorynyŋ baqylauşylary 32 qalada jūmys ıstegenın jäne azamattardyŋ referendumǧa şynaiy qyzyǧuşylyq tanytqanyn jetkızdı.
Öŋırlerde ülken belsendılık tırkelıp, ülgılıkūiymdastyru qamtamasyz etılgen. Türkıstan oblysynda «Dauyc» baqylauşylar koalisiiasy 922 sailau uchaskesın qamtyǧan. Oblystyq bölımşenıŋ jetekşısı Baqytjan Äşırbaev barlyq baqylauşylar saǧat 5:45-ten bastap uchaskelerge kelıp, daiyndyq jūmystaryn bastaǧanyn habarlady.
Dauys beru künıne deiın baqylauşylardyŋ barlyǧyna tiıstı nūsqaulyq berılıp, olar arnaiy oqytudan ötken. Äşırbaevtyŋ aituynşa, mūndai aldyn ala daiyndyq sailau prosesın jüielı jäne sapaly baqylauǧa mümkındık bergen.
Pavlodar oblysynda «Dauyc» koalisiiasynyŋ jergılıktı filialynyŋ jetekşısı Alma Qozbaevanyŋ aituynşa, baqylauşylar üşın ärbır kezeŋnıŋ aşyq ärı ädıl ötuı erekşe maŋyzǧa ie bolǧan. Baqylauşylar uchaskelerdı, sonyŋ ışınde mügedekter üşın qoljetımdılıktı aldyn ala teksergen. Künnıŋ qorytyndysy boiynşa Alma Qozbaeva azamattardyŋ jaqsy köŋıl-küiı men erekşe köp keluın atap öttı.
Qaraǧandy oblysynda «Dauyc» koalisiiasynyŋ filialynyŋ jetekşısı Dmitrii Poltarenko barlyq uchaskenıŋ dūrys jabdyqtalǧanyn, onyŋ ışınde mügedektıgı bar azamattar üşın barlyq jaǧdaidyŋ qarastyrylǧanyn habarlady. Poltarenkonyŋ pıkırınşe, täuelsız baqylauşylardyŋ belsendıjūmysy azamattardyŋ sailau prosesıne degen senımın arttyruǧa jäne Qazaqstandaǧy demokratiialyq instituttardy damytuǧa septıgın tigızdı.
Kökşetauda «El Dauysy» qorynyŋ baqylauşysy Eleonora Dalabaeva künı boiy azamattardy memlekettegı özgerısterge beijai qaramauǧa jäne öz dauysyn beruge şaqyrdy.
Tarazdaǧy №494 sailau uchaskesınde baqylauşy Gauhar Sailauhan komissiia öz jūmysyn zaŋnamaǧa tolyq säikes jürgızgenın, ärbır kezeŋnıŋ baqylanyp otyrǧanyn jäne uchaske aşylǧannan bastap dauys beruge kelgenderdıŋ kezegı köp bolǧanyn rastady. Bırınşı kelgenderge estelık syilyqtar berılıp, alǧaş ret dauys beruşılerge erekşe köŋıl bölındı.
Oral qalasynda jūmys ıstegen baqylauşy Äliia Sälieva da prosess ädıl ärı aşyq ötkenın rastady.
Respublikalyq referendum Qazaqstannyŋazamattyq qoǧamynyŋ eseigenın körsettı. Dauys beruge erekşe joǧary qatysu, uchaskelerdegı tärtıp jäne tyŋǧylyqty daiyndalǧan täuelsız baqylauşylarmen qamtamasyz etu – azamattardyŋ dauys berudı jeke jauapkerşılık pen sanaly azamattyq taŋdau retınde qabyldaǧanyn däleldedı. Baqylauşylardyŋ barlyǧy dauys beru kezınde aitarlyqtai zaŋ būzuşylyqtar tırkelmegenın bır auyzdan atap öttı.
