Konstitusiialyq komissiianyŋ besınşı otyrysynda egemendıktı nyǧaitu, tıkelei demokratiia tetıkterın keŋeitu jäne dästürlı qūndylyqtardy bekıtu maqsatynda Ata zaŋnyŋ bırqatar erejelerın qaita qarau bastamasy talqylandy.
Äl-Farabi atyndaǧy QazŪU-dyŋ bırınşı prorektory, professor Erkın Düisenov, Konstitusiia mätınınde memlekettık qūrylystyŋ qazırgı zamanǧy mındetterın eskere otyryp, Ata zaŋnyŋ erejelerın jüielı türde qaita qaraudy talap etetın terminologiialyq jaŋsaqtyqtar men men stilistikalyq būrmalanular bar ekenın atap öttı.
Konstitusiianyŋ 3-baby 1-tarmaǧynyŋ jaŋa nūsqasyn bekıtudı ūsyna otyryp, «Memlekettık bilıktıŋ bırden-bır bastauy jäne egemendık iesı — halyq», - dep atap öttı Düisenov.
Onyŋ pıkırınşe, mūndai redaksiia halyqaralyq standarttarǧa, atap aitqanda, Azamattyq jäne saiasi qūqyqtar turaly halyqaralyq paktınıŋ erejelerıne säikes keledı jäne bırqatar demokratiialyq eldegı halyq egemendıgın bekıtu täjıribesın körsetedı.
Ol Şveisariia, İrlandiia jäne İtaliianyŋ täjıribesıne sılteme jasai otyryp, «Jalpyhalyqtyq referendum azamattardyŋ tıkelei erık bıldıruınıŋ eŋ joǧarǧy nysany jäne saiasi jüiege degen senımdı nyǧaitu täsılı boluy kerek», - dep atap öttı.
Sonymen qatar Düisenov özınıŋ jariialanymdary men köpşılık aldynda söilegen sözderınde dästürlı qūndylyqtardy saqtau mäselesın talai ret köterıp, Konstitusiianyŋ 27-babynyŋ er men äieldıŋ odaǧy retındegı neke turaly tūjyrymyn naqtylaudy ūsyndy.
Sondai-aq spiker Konstitusiiada nekedegı er men äiel arasyndaǧy normany bekıtu otbasy instituty men ūlttyq bıregeilıktı qorǧaudy qamtamasyz etetının tüsındırdı.
Qazaqstannyŋ jaŋa Konstitusiiasynda advokaturanyŋ märtebesı turaly norma qosymşa pysyqtalatyn bolady
