Snejanna İmaşeva: Konstitusiianyŋ Preambulasy — Negızgı zaŋnyŋ ideialyq-moraldyq özegı

Konstitusiialyq komissiianyŋ ekınşı otyrysynda Qazaqstan Respublikasynyŋ Konstitusiiasyna özgerıster men tolyqtyrular engızu jönındegı ūsynystardy kezeŋ-kezeŋmen talqylau bastaldy. Otyrystyŋ barysynda Qazaqstan Respublikasy Parlamentı Mäjılısınıŋ deputaty Snejanna İmaşeva bırınşı otyrys qorytyndysy boiynşa daiyndalǧan salystyrmaly kestenı tanystyryp, Preambula men 1–39 baptardy jüielı türde qaraudy ūsyndy.
 
Ūsynylǧan özgertuler konstitusiialyq qūrylymnyŋ negızderın naqtylau jäne nyǧaituǧa, normalardyŋ qūqyqtyq anyqtyǧyn arttyruǧa, sondai-aq qūqyq qorǧau mehanizmderın küşeituge baǧyttalǧany aityldy. Arnaiy nazar Preambulanyŋ män-maǧynasyna jäne qazırgı äleumettık ürdısterdı eskere otyryp, konstitusiialyq normalardy jaŋartu qajettılıgıne audaryldy.
 
«Konstitusiianyŋ Preambulasy — būl tek kırıspe emes, Negızgı zaŋnyŋ ideialyq-moraldyq özegı, maqsatty aiqyndaityn jäne memlekettıŋ damu baǧytyn belgıleitın negızgı baǧdar», — dedı Snejanna İmaşeva.
 
Odan keiıngı talqylau Konstitusiianyŋ I jäne II bölımderındegı normalarǧa qatysty boldy, sonyŋ ışınde qūqyqtyq jäne zaiyrly memleket prinsipterın bekıtu, adam qadır-qūqyǧyn, ömır süru qūqyǧyn, jeke erkındık pen tūlǧanyŋ qauıpsızdıgın qorǧau, sondai-aq jeke ömır men jeke derekterdı qorǧau mäselelerı qaraldy. Sonymen qatar konstitusiialyq prinsipterdıŋ normativtık märtebesın küşeitu jäne olardyŋ praktikalyq qoldanyluyn qamtamasyz etu jönındegı ūsynystar talqylandy.
 
«Ūsynylyp otyrǧan özgerıster konstitusiialyq normalardyŋ qoldanylu tiımdılıgın arttyruǧa jäne olardyŋ tüsındırıluıne bırtūtas täsıl qalyptastyruǧa baǧyttalǧan», — dep aityldy otyrys barysynda.
 
Sonymen qatar, adami kapitaldy, bılım berudı, ǧylym men mädeniettı damytu, äleumettık kepıldıkterdı küşeitu, qorşaǧan ortany qorǧau jäne otbasynyŋ qūqyqtaryn saqtau siiaqty bastamalar qaraldy. Ūsynystardy qarau kezeŋ-kezeŋımen jüzege asyrylatyn bolady jäne Konstitusiialyq komissiianyŋ kelesı otyrystarynda jalǧasady.