Jaŋa Konstitusiia Qazaq elınıŋ jarqyn keleşegıne jol aşady. Osylai degen türlı salanyŋ esımı elge tanymal ökılderı respublikalyq referendum qarsaŋynda Ata zaŋ jobasynyŋ artyqşylyqtary men mümkındıkterı jaiynda pıkır bıldırdı.
Qazaqtyŋ körnektı aqyny Ǧalym Jailybaidyŋ aituynşa, jaŋa Konstitusiia jobasy – «Ädılettı Qazaqstan», «Zaŋ men Tärtıp» qaǧidattaryn alǧa tarta otyryp, jasalyp şyqqan ömır süru erejemız.
«Būny keleşekke jasaǧan nyq qadam dep esepteuge bolady. Eldıŋ tūtastyǧy, bırlıgı, tırlıgı,bolaşaǧy, bärı de Ata zaŋda körınıs tapqan.Armanyn aialap, ümıtın ükılep otyrǧan qazaq degen jūrttyŋ keler künderınıŋ baǧy men baqyty üşın jasalǧan qūjat dep esepteimın. Ata zaŋ jobasynyŋörıstı, örnektı tūstaryn körıp, öz basym quandym.
«Qazaqstan deitın menıŋ bar elım!
Jatyr alyp jarty dünie älemın.
Būl dalany anam jaspen suarǧan,
Būl dalada atam qolǧa tu alǧan!», dep qazaqtyŋ ūly aqyny Qasym Amanjol jyrlaǧandai, eldıŋ tūtastyǧy, şekaramyzdyŋ berıktıgı – keleşek ūrpaq aldyndaǧy bızdıŋ zamandastardyŋ jauapkerşılıgı. Bızdıŋ ūrpaqtyŋ köterer jügınıŋ negızgı parqyosynda», dedı aqyn.
Sonymen qatar ol jaŋa Ata zaŋda adam qūqyqtary men bostandyqtaryna asa män berılgenın tılge tiek ettı.
«Alda ötkelı otyrǧan referendumǧa ärqaisymyz qatysyp, özımızdıŋ ünımızdı qosyp, qoldauymyzdy bıldırıp, öz taŋdauymyzdy jasauymyz kerek. Sol ülken ıs-şarada bırge bolaiyq, aǧaiyn!», dep sözın tüiındedı Ǧ.Jailybai.
Taekvondoşy Batyrhan Töleuǧali öz sözınde sportta da, ömırde de eŋ bastysy tärtıp jauapkerşılık jäne ädıldık ekenın atap öttı.
«Bız ärbır jetıstıkke maŋdai termen,tabandylyqpen jetemız. Sol siiaqty elımızdıŋ damuy da är azamattyŋ sanaly taŋdauyna bailanysty. Konstitusiialyq özgerıster men referendum – halqymyzdyŋ bolaşaǧy üşın jasalyp jatqan maŋyzdy qadam. Būl eldıŋ erteŋı üşın jauapkerşılık alyp, öz pıkırımızdı aşyq bıldıretın tarihi mümkındık. Jaŋa reformalar ädılettı qoǧam qūruǧa,jastarǧa keŋ jol aşuǧa, sport pen bılımnıŋ damuyna serpın beredı dep senemın. Bız bırlıgımızdı saqtap,dūrys şeşım qabyldai alsaq, elımızdıŋ keleşegı jarqyn bolady. El bolaşaǧy öz qolymyzda,belsendı bolaiyq, beijai qalmaiyq!», dedı sportşy.
Sondai-aq tanymal änşı Älışer Kärımov te özınıŋ äleumettık jelıdegı paraqşasynda tyŋdarmandaryn aldaǧy respublikalyq referendumnan qalys qalmai, bır kısıdei qatysuǧa şaqyrdy.
«Men, Älışer Kärımov, Qazaqstan Respublikasynyŋ azamatymyn, elımnıŋ jarqyn bolaşaǧyna ärqaşan senemın. 15 nauryzdareferendumǧa bırge qatysaiyq!», dedı ol.
