Almatyda ötıp jatqan III Euraziialyq tau kurorttary aliansynyŋ (ETKA) festivalı aiasynda qatysuşylar ETKA-nyŋ Jasyl hartiiasyn qabyldady. Būl qūjat Euraziia keŋıstıgındegı tau turizmı industriiasynyŋ tūraqty damuynyŋ ortaq qaǧidattaryn aiqyndaityn strategiialyq qūjat sanalady.
Hartiia tau ekojüielerın saqtau, klimatqa tüsetın jüktemenı azaitu, tabiǧi resurstardy ūtymdy paidalanu jäne ekologiialyq talaptarǧa sai basqaru täjıribelerın damytu baǧytynda kurorttardyŋ ortaq jauapkerşılıgın bekıtedı. Qūjat erıktı negızde qabyldanady jäne oǧan özge de tau kurorttary qosyla alady.
Qūjattyŋ arnaiy bölımınde aşyqtyq, ärıptestık jäne ūtymdylyq qaǧidattary qamtylǧan. Būl biznes, memleket, jergılıktı qauymdastyqtar men ǧylymi ūiymdar arasyndaǧy özara ıs-qimyldy damytudy közdeidı. Qol qoiuşy taraptardyŋ bırlesken bastamalaryn ETKA-nyŋ tūraqty damu jönındegı saraptamalyq platformasy üilestıredı.
«Shymbulak üşın Jasyl hartiiany qabyldau – soŋǧy jyldary jüielı türde atqaryp kele jatqan jūmysymyzdyŋ zaŋdy jalǧasy. Tau kurorty ekologiialyq tepe-teŋdıktı saqtamai dami almaidy. Tabiǧi landşaftardy qorǧau, resurstardy jauapkerşılıkpen basqaru, klimatqa äserdı azaitu – salanyŋ ūzaq merzımdı tūraqtylyǧynyŋ negızı», – dedı Shymbulak kurortynyŋ bas direktory Rinat Abdrahmanov.
Jasyl hartiiaǧa ETKA qūramyndaǧy myna kurorttar qol qoidy: Shymbulak Mountain Resort (Qazaqstan), Oi-Qaragai Mountain Resort (Qazaqstan), Amirsoy Mountain Resort (Özbekstan), Rosa Khutor (Resei), Shahdag Mountain Resort (Äzerbaijan), Grandvalira Andorra (Andorra, EO).
Euraziialyq tau kurorttary aliansy 2023 jyly Euraziiadaǧy jetekşı tau kurorttarynyŋ bastamasymen qūryldy. Alianstyŋ maqsaty – tau turizmı basqaru salasyndaǧy küş-jıgerdı bırıktıru, turistık qyzmet sapasyn arttyru, sporttyq äleuettı damytu jäne tūraqty tau turizmınıŋ üzdık täjıribelerın ılgerıletu. Alianstyŋ ştab-päterı Almaty qalasynda ornalasqan. ETKA qūramyna Qazaqstannyŋ Shymbulak jäne Oi-Qaragai, Äzerbaijannyŋ Shahdag, Özbekstannyŋ Amirsoy, Reseidıŋ Rosa Khutor, sondai-aq Oŋtüstık Koreianyŋ Mona Yong Pyong kurorttary kıredı. 24 aqpanda Grandvalira Resorts Andorra kurorty Aliansqa qosyluǧa nietttı ekenı turaly memorandumǧa qol qoidy.
