Almatyda bır top adam 18 jastaǧy jıgıttı soqqyǧa jyqqan, dep habarlaidy "Adyrna" ūlttyq portaly.
Oqiǧa 12 qazanǧa qaraǧan tünı Töle bi köşesındegı dämhananyŋ aldynda bolǧan. Būl turaly zardap şekken balanyŋ anasy äleumettık jelıde jazdy.
Aituynşa, ūlyn şamamen 15-20 er adam ūryp ketken. Jäbırlenuşı qazır auruhanada jatyr. Küdıktıler esınen tanyp qalǧan balanyŋ basynan da tepken.
Qalalyq polisiia departamentı būl derek boiynşa QR Qylmystyq kodeksınıŋ 107-baby («Densaulyqqa qasaqana ziian keltıru») boiynşa ıs qozǧalǧanyn mälımdedı.
– Jedel ıs-şaralardyŋ nätijesınde oqiǧaǧa qatysqan barlyq adam anyqtalyp, ūstaldy. Tergeu barysynda olardyŋ kınäsı men oqiǧanyŋ män-jaiy anyqtalady. Barlyq kınälı tūlǧa zaŋǧa säikes jauapqa tartylady, – dep habarlady polisiianyŋ baspasöz qyzmetı.
Is Almaty polisiia departamentı basşylyǧynyŋ erekşe baqylauynda.
