Almaty qalasynda birneshe nomınaııalar boıynsha din salasynyń ózekti máseleleri týraly úzdik materıaldardy onyń ishinde maqalalar, qysqa rolıkter jáne t.b. daıyndaý baıqaýynyń jeńimpazdaryn marapttaldy, dep jazady «Adyrna» portaly.
Almaty qalasy Din isteri jónindegi basqarmasynyń tapsyrysy boıynsha «JASTAR» damytý ortalyǵy» jastar qoǵamdyq birlestigi uıymdastyrýymen ótken baıqaý, aǵymdaǵy jyldyń 5 sáýir men 15 qazan aralyǵynda ózekti boldy. Negizgi maqsat – jurt nazaryn din salasyndaǵy memlekettik saıasattyń ózekti máselelerine aýdarý. Buqaralyq aqparat quraldary men áleýmettik jeliler arqyly halyqty din salasyndaǵy memlekettik saıasattyń mańyzdy baǵyttary men dinı ekstremıstik aǵymdar ıdeologııasynyń zııandylyǵynan habardar etý.
Jeńimpazdar ınternet-resýrstaǵy qazaq tilindegi úzdik maqala; ınternet-resýrstaǵy orys tilindegi úzdik maqala; ınternettegi jáne áleýmettik jelilerdegi eń jaqsy taqyryptyq qysqa beınerolık; eń belsendi bloger nomınaııalary boıynsha anyqtaldy. Atalǵan 4 nomınaııa boıynsha jalpy júlde qory – 1 350 000 teńgeni qurady.
Qazylar alqasy músheleri qatysýshylardyń materıaldaryna ádil baǵa berip, olardyń kreatıvti ıdeıalary men sapaly jumystaryna basa nazar aýdardy.
Qazylar qatarynda Almaty qalasy Din isteri jónindegi basqarmasy basshysynyń orynbasary Erǵalı Ahılbekuly, ál-Farabı atyndaǵy QazUÝ Dintaný jáne mádenıettaný kafedrasy meńgerýshisi Aınýr Qurmanálıeva, Almaty qalasy Din isteri jónindegi basqarmasynyń "Din máselelerin zertteý ortalyǵy" kommýnaldyq memlekettik mekemesiniń basshysy Dýlat Ibragımov, aqyn Tóreǵalı Táshenov boldy.
Marapattaý rásimin Erǵalı Ahılbekuly men Aınur Qurmanalıeva ashyp berdi. Olar atalǵan baıqaýdyń qoǵam úshin bereri men qosary mol ekenin, sondaı-aq din taqyrybyna qyzyǵýshy kózi ashyq jastardyń kóbeıgenine shyn júrekten qýanyshty ekenderin aıtty.
«Kópshiligińiz bilesizder, qazir din taqyryby el aýzynda jıi talqylanýda. Bizdiń maqsatymyz jat aǵymnyń artynan adasýshy jastardyń baǵytyn túzep, kózin ashý. Bul baıqaýda osy maqsat negizinde júzege asqan bolatyn. Men maqalalar men materıaldardy tekserý barysynda din taqyrybyna shynaıy jany ashyp, áleýmettik máselege ózindik jaqsylyǵyn tıgizgisi keletin janashyr jastardyń bar ekenin uǵynyp shynaıy qýandym. Bastysy elim deıtin er bolsa, erim deıtin el tabylady», - dedi Almaty qalasy Din isteri jónindegi basqarmasy basshysynyń orynbasary Erǵalı Kosheke.
Maqalalar joldaǵan qatysýshylar arasynan yntalandyrý sertıfıkattary men qarjylaı syılyqqa Sáýle Isabaeva, Beknur Kısıkov, Ábzelbek Shynar, Nurmuhammed Meımanqoja, Shaǵyrbaı Almasbek esimdi jastar ıe boldy. Iri qarjylaı syılyqtar ıelengender qatarynan qazaq tilindegi ınternet-resýrs maqalasy boıynsha Qanat Súleımenov – 250 000 tg, orys tilinde Dastan Eldesov – 250 000 tg, úzdik qysqa beınerolık nomınaııasy boıynsha – Ersultan Rahımbek, Oljas Aıtpanov, Ashat Baıtóre qanjyǵaly boldy. Al eń belsendi bloger júldesi – Elnar Berikbaevqa buıyrdy.
Beınerolık avtorlary din taqyrybynda túsirgen vıdeolaryn jınalǵan kópshilikke kórsetip oń baǵalaryn aldy. Sondaı-aq olar túsirilim kezindegi qyzyqtarymen bólisti.
Sonymen qatar qazirgi tańda jastar arasynda áleýmettik jelide din salasy boıynsha kontent taratyp júrgen bloger Elnar Berikbaev ta atalmysh isiniń azamattyq mindeti ekenin ataı ketti.
«Qazirgi tańda tık tok jelisi men ınstagramda dástúr men salt, din men mádenıetke qatysty tyń derektermen bólisip otyramyn. Vıdeolar kóbine qyzyq. 800 myńnan astam qaralym jınap otyrady. Áýelgi maqsatym – jastardyń salt-dástúrge degen janashyrlyǵyn oıatý, dinı kózqarasyn túzeý. Blog júrgizý meniń ári hobbıim, ári azamattyq mindetim. Sebebi alǵan bilimimdi ózgelermen bólisip otyrǵym keledi», - dedi Elnar Berikbaev.
Aıta keteıik, Almaty qalasy Din isteri basqarmasy atalmysh baıqaýdy jyl saıyn uıymdastyryp keledi.
«Adyrna» ulttyq portaly
