Almaty qalasyndaǧy saiabaqtardyŋ bırınde ornalasqan attraksionda kämeletke tolmaǧan qyz jabyq bas-süiek mi jaraqatyn (JBSMJ) alǧan. Būl turaly zardap şekken qyzdyŋ anasy Madina Askenova mälımdedı, dep habarlaidy “Adyrna”.
Anasynyŋ aituynşa, qyzynyŋ jaǧdaiy älı de auyr.
“Almatydaǧy saiabaqtardyŋ bırınde ornalasqan “Vals” attraksionynda kämeletke tolmaǧan qyzym jabyq bas-süiek mi jaraqatyn aldy. Nätijesınde ol ekı kürdelı otadan öttı, ūzaq merzımdı oŋaltudan ötıp jatyr, qatty auyrsynudan, fizikalyq zardaptardan jäne auyr psihologiialyq jaraqattan zardap şegude”, – dep jazdy äiel Facebook paraqşasynda.
Askenovanyŋ aituynşa, būl oqiǧa saiabaq äkımşılıgınıŋ nemqūrailyǧy saldarynan bolǧan.
“Mende attraksionda qauıpsızdık tehnikasynyŋ saqtalmaǧany turaly beineaiǧaqtar bar. Attraksion aqauly bolǧanyna qaramastan, ony qoldanudy jalǧastyrǧan. Qyzmetkerler qaiǧyly oqiǧanyŋ aldyn alu üşın qajettı şaralardy qabyldamaǧan,” – dedı ol.
Onyŋ aituynşa, oqiǧadan keiın saiabaq qalypty rejimde jūmysyn jalǧastyrǧan. "Vals" attraksiony toqtatylmaǧan, tekseru jürgızılmegen, jauapty tūlǧalar jauapkerşılıkke tartylmaǧan. Anasynyŋ pıkırınşe, būl basqa keluşılerdıŋ, sonyŋ ışınde balalardyŋ da qauıpsızdıgıne qater töndıredı.
“Polisiia basqarmasy būl derek boiynşa qylmystyq ıs qozǧalǧanyn rastady.
Atalǧan derek boiynşa QR QK 306-baby 2-bölıgı (qauıptılıgı joǧary nysandardy paidalanu kezındegı qauıpsızdık talaptaryn būzu) boiynşa qylmystyq qūqyqbūzuşylyq belgılerımen tergeu amaldary jürgızılıp jatyr. Tiıstı saraptamalar taǧaiyndaldy. Tergeu şaralarynyŋ nätijelerı boiynşa prosessualdyq şeşım qabyldanady”, – dep habarlady Almaty polisiiasy.
Zardap şekken balanyŋ ata-anasy ädıldık talap etıp, tergeudıŋ obektivtı jürgızıluıne jäne qoǧamdyq oryndardaǧy attraksiondardyŋ qauıpsızdıgıne baqylaudyŋ küşeitıluıne ümıt artyp otyr.
