Respublikalyq referendum – elımızde jürgızılıp jatqan Konstitusiialyq reformalardyŋ şeşuşı kezeŋı. Bärımızdıŋ ortaq bolaşaǧymyzǧa qatysty şeşım qabyldanatyn syn saǧatta dauys beruden şet qalmau – ärbır qazaqstandyq üşın maŋyzdy boryş.
Osy oraida, qoǧam ömırındegı aituly özgerısterge qatysty türlı salanyŋ ökılderı öz pıkırlerın bıldırıp jatyr. Olardyŋ ışınde öner maitalmandary men sportşylar, şyǧarmaşylyq ielerı de bar.
Belgılı estrada jūldyzy Ūlyqpan Joldasov äleumettık jelıde Konstitusiialyq reforma turaly oiyn bıldıre kele, būnyŋ elımızdıŋ damuyna jaŋa serpın berıp qana qoimai, mädeniet pen öner salasynyŋ erkın örkendeuıne de mümkındık aşatynyn jazdy.
«Mädeniet – ūlttyŋ ruhani tıregı. Sondyqtan ūlttyq qūndylyqtardy saqtap, zamanaui şyǧarmaşylyqpen ūştastyru – ortaq mındetımız», dedı änşı.
Tanymal akter Erbolat Tölegen äleumettık jelıge bölısken beinejazbasynda 15 nauryzda ötetın respublikalyq referendum Qazaq elı, öskeleŋ ūrpaq üşın maŋyzy erekşe, atauly kün ekenın aitty.
«Qadırlı dostar, zaman özgerıp jatyr, soǧan bailanysty bızdıŋ Konstitusiiamyz da jaŋaryp jatyr. Osy tūsta referendumǧa qatysu – ärbır Qazaqstan azamatynyŋ boryşy ekenın eske salǧym keledı, osy künnen qalys qalmaŋyzdar», dep mälımdedı ol.
Teatr jäne kino akterı Erkebūlan Daiyrov elımız üşın
maŋyzdy şeşım qabyldanatyn referendum künı jaŋa Konstitusiia jobasyna dauys beru – är azamattyŋ jauapkerşılıgı ekenın jetkızdı. «Men öz taŋdauymdy jasaimyn. Men baramyn!» dep jazdy ol.
Jazuşy Beibıt Sarybaidyŋ aituynşa, referendum – tek dauys beru künı ǧana emes, eldıŋ keleşegın aiqyndaityn maŋyzdy saiasi akt, ärbır azamattyŋ Otan aldyndaǧy paryzy.
«Bız üşın eŋ qymbat närse – elımızdıŋ bolaşaǧy, tynyştyǧy men damuy. 2026 jyldyŋ 15 nauryzynda respublikalyq referendum ötedı. Būl bızdıŋ ärqaisymyz üşın ülken jauapkerşılık pen azamattyq mındet. Bızdıŋ taŋdauymyz – eldıŋ qūqyqtyq negızıne, azamattyq qoǧam men demokratiia negızderıne senımımız ben bolaşaǧymyzǧa jasalǧan üles. 15 nauryzda kelıp, özıŋnıŋ azamattyq ūstanymyŋa sai şeşım şyǧar! Bırge keleşegımızdı qalyptastyraiyq», dep jazdy ol.
Sonymen qatar Beibıt Sarybai bügınde älem qarqyndy özgerıp jatqan uaqytta, eldıŋ keleşegı üşın öz taŋdauyŋdy jasau – özıŋnıŋ ideiaŋ men közqarasyŋdy bıldırudıŋ naqty joly ekenın, referendumda är dauys maŋyzdy, är pıkır qūndy bolatynyn eske saldy.
Elımızdıŋ sport saŋlaqtary da Konstitusiialyq reformalardy talqylaudan şet qalmady. Olimpiadanyŋ qola jüldegerı, dziudoşy Ǧūsman Qyrǧyzbaev sportta da, ömırde de jetıstıkke jetudıŋ kıltı – jauapkerşılık pen tärtıp ekenın tılge tiek ettı.
«Ärbır sportşy üşın kök tudy jelbıretu – Otan aldyndaǧy joǧarǧy marapat. Olimpiada tatamiınde bükıl halyqtyŋ demın sezınesıŋ. Būl senı tabandy boluǧa, erejenı saqtai otyryp küresuge jäne jeŋıs üşın bar küş-jıgerıŋdı saluǧa mındetteidı. Şynaiy jeŋıske temırdei tärtıp pen sport erejelerıne qūrmetpen qaramai jete almaisyŋ. Ädıl bäseke men jüielı tärtıp qana älemdık deŋgeide moiyndaluǧa jol aşady. Ärbır beldesu komandanyŋ nätijesı, är sportşynyŋ jıgerı men ülesıne bailanysty ekenın ūǧyndyrady. El ışındegı basty jetıstıkter de ortaq tärtıpten bastalady. Aldaǧy referendum – bükıl Qazaqstan üşın ädıl qaǧidalardy bekıtu mümkındıgı. Bızdıŋ bolaşaǧymyz – öz qolymyzda!» dep jazdy belgılı sportşy.
Älemdık dodada Qazaq elınıŋ qorjynyna jülde salyp jürgen taǧy bır tanymal dziudoşymyz Äbiba Äbujaqynova da alda kele jatqan referendumnyŋ maŋyzy jaiynda oiymen bölıstı. Ol öz sözın ömırdegı küres tatamidegı beldesuge ūqsaitynynan bastady.
«Dziudodaǧy jeŋıs tatamidegı ädıs jasaudan emes, erejenı jaqsy bıluden bastalady. Älemdık reitingke bastar jolda kezdeisoqtyq bolmaidy. Ärbır ädıs, ärbır qimyl sansyz jattyǧudyŋ jäne şeşuşı sätte tolyq jauapkerşılıktı öz moinyŋa ala bıludıŋ nätijesı. Tatamige şyqqanda artyŋda milliondaǧan ümıt tūrǧanyn sezesıŋ. Ol saǧan soŋyna deiın küresuge küş beredı. Ülken sportta tabys özıŋe adal bolyp, taŋdaǧan jolyŋa berık boludan bastalady», degen sportşy bylaiǧy ömır de däl sondai jauapkerşılıktı talap etetının aitty.
«Sondyqtan aldaǧy jaŋa Konstitusiia boiynşa referendum – barşamyz üşın maŋyzdy taŋdau sätı. Negızgı zaŋǧa engızılgen özgerıster är azamatqa ädıl mümkındık berıp, jastardyŋ qūqyǧyn qorǧauǧa baǧyttalǧan. 15 nauryzda men elımızdıŋ bolaşaǧyn qorǧap, osy reformalardy qoldap, referendumǧa qatysamyn», dedı Ä.Äbujaqynova.
Qazaqtyŋ maŋdaiyna bıtken şahmatşy qyzy Bibısara Asaubaeva da referendumnan tys qalmaitynyn aŋǧartyp: «Men Qazaqstan atynan öner körsetetın sportşy retınde ılgerı damitynymyzǧa senemın, sondai-aq elımızdıŋ tūraqtylyǧy men keleşegıne baǧyttalǧan reformalardy qoldaimyn», dep jazdy.
