Elordadaǵy «Astana Arena» stadıonynda fýtboldan Qazaqstan áıelder quramasy Armenııany jeńdi, dep habarlaıdy "Adyrna" ulttyq portaly.
Bul Qazaqstan komandasynyń ÝEFA-nyń Ulttar lıgasyndaǵy sońǵy, altynshy matchy edi.
Birinshi taımda 40-mınýtta Qazaqstan quramasynyń kapıtany Iýlııa Mıasnıkova esep ashty.
Oıynnyń ekinshi jartysynda 48-mınýtta Aıda Gaıstenova esepti 2:0-ge jetkizdi. On mınýttan keıin Iý.Mıasnıkova ekinshi golyn soqty. 68-mınýtta Armenııa oıynshysy Klaýdııa Cholakıan aıyp dobyn oryndap, bir gol soqty. Degenmen 71-mınýtta Kamıla Qulmaǵambetova matchty 4:1 esebimen túıindedi.
Alty týrdyń qorytyndysy boıynsha Madııar Kembilov jattyqtyratyn Qazaqstan quramasy S4 tobynda 8 upaımen úshinshi orynǵa ıe boldy. Izraıl (16 upaı) kósh bastasa, Estonııa (10 upaı) ekinshi satyǵa jaıǵasty. Al Armenııada birde-bir upaı joq.
