Aimaq basşysy Nariman Töreǧaliev öŋırdegı ırgelı käsıporyn jetekşılerımen kezdestı. Jinalǧandar jaŋa Konstitusiia jobasyna qoldau bıldırdı. Oblys äkımı Ata Zaŋnyŋ jaŋa nūsqasynda jūrtşylyqtyŋ ūsynys-pıkırı eskerılgenın atap öttı.
"Memleket basşysy bastamaşy bolǧan konstitusiialyq reforma keiıngı jyldary däiektı türde jüzege asyrylǧan saiasi özgerısterdıŋ jalǧasy. Basty qūjattyŋ jobasyn talqylau – zaŋgerler men mamandardyŋ ǧana emes, jalpy qoǧamnyŋ mındetı. Öitkenı, mūndaǧy normalar men qaǧidattar keler ūrpaqtyŋ taǧdyryna tıkelei äser etedı", - dedı aimaq basşysy.
Oblystyq mäslihat töraǧasy, «Ädılettı jäne progressivtı Qazaqstannyŋ halyqtyq Konstitusiiasy üşın!» oblystyq koalisiiasynyŋ töraǧasy Mūrat Mūqaev özı qūramynda bolǧan Konstitusiialyq komissiia auqymdy jūmys atqarǧanyn, basty qūjattyŋ jobasy barlyq jaǧynan jan-jaqty saralanǧanyn aitty.
Oblys äkımınıŋ orynbasary Qaiyrjan Meŋdıǧaliev jaŋa Konstitusiia jobasy memleket pen biznes arasyndaǧy senımdı küşeitıp, ūzaqmerzımdı ärıptestıkke negız bolatyn orta qalyptastyruǧa baǧyttalǧanyn aitty. Ol jergılıktı biznes qauymdastyǧy būl joly da belsendılık tanytatynyna senım bıldırdı.
«KPO B.V.» kompaniiasy bas direktorynyŋ orynbasary Mūhtar Mankeev konstitusiialyq reforma käsıpkerlıktı qoldaudyŋ, investisiialyq klimatty jaqsartudyŋ negızgı qūqyqtyq kepılı ekenın aityp, ırgelı eŋbek ūjymy jaŋa Ata zaŋ jobasyn qoldaitynyn jetkızdı.
«Jaiyq et» kompaniiasynyŋ qūryltaişysy Temırǧali Eskendırov, «PSP Serik» JŞS bas direktory Serık Merǧaliev jaŋa qūjat biznes ielerıne zor jauapkerşılık jükteitının jetkızdı. Olardyŋ oiynşa eŋbekke adaldyq, käsıpke qūrmet, elge janaşyrlyq siiaqty qūndylyqtardyŋ maŋyzy odan ärı arta tüsedı.
Kezdesude öŋırdegı strategiialyq maŋyzdy kommunaldyq käsıporyn jetekşılerı, «Kvant», «Oralagroremmaş», «Oral Zenit zauyty», «Oral transformator zauyty», «Jaiyqmūnai», «Kublei», «Poima mai kombinaty» jäne özge de ırı kompaniia basşylary boldy. Jaŋa Konstitusiia ädıl bäsekelestıkke jol aşatynyna, qūqyqtyq tūraqtylyqqa kepıl bolatynyna senım bıldırgen biznes ökılderı maŋyzdy reformany qoldaitynyn jetkızdı.
