Ūlytau oblysynda «Bırtūtas el – bırtūtas jer» äskeri-patriottyq aksiiasy öttı. Qazaqstan Respublikasy Qorǧanys ministrlıgınıŋ aqparattyq-tüsındıru toby 3 myŋnan astam adamnyŋ, onyŋ ışınde mektep oquşylary men äskerge şaqyru jasyndaǧy studentterdıŋ qatysuymen kezdesuler men taqyryptyq ıs-şaralar ötkızdı.
Öŋırdegı äskeri ūjymdarǧa konstitusiialyq reforma jönındegı komissiianyŋ jūmysy jäne jalpyhalyqtyq erık bıldırudıŋ maŋyzy turaly tüsındırıldı.
Jergılıktı atqaruşy organdar basşylyǧy 2030 jylǧa deiıngı äskeri-patriottyq tärbie tūjyrymdamasyn ıske asyru jäne «Jas sarbaz» synyptaryn aşu mäselelerın talqylady.
Jezqazǧan jäne Sätbaev qalalarynda qorǧanys vedomstvosynyŋ ofiserlerı oqu oryndary men qosymşa bılım beru mekemelerınde erlık sabaqtaryn ötkızdı. Äskeri bılım jäne ǧylym departamentınıŋ ökılderı äskeri oqu oryndaryna tüsu tärtıbın, äskerge şaqyru şarttaryn jäne boryşyn ötegen qazaqstandyqtarǧa arnalǧan qoldanystaǧy äleumettık kepıldıkterdı tüsındırdı.
– Bügın jastardyŋ äskeri qyzmetke qyzyǧuşylyǧyn baiqap otyrmyz. Bızdıŋ mındetımız – olarǧa armiia mümkındıkterı turaly obektivtı aqparat beru, – dep atap öttı polkovnik Däulet Beisekov.
Jezqazǧandaǧy Serälı Qojamqūlov atyndaǧy qazaq muzykalyq-drama teatrynda ıs-şarǧa qatysuşylar men alǧaşqy äskeri daiyndyq pänınıŋ oqytuşylaryn marapattau räsımı öttı.
Sätbaev qalasyndaǧy Şynbolat Dıldebaev atyndaǧy Kenşıler saraiynda Qaraǧandy garnizonynyŋ 44803 äskeri bölımınde merzımdı qyzmet ötkerıp jürgen qatardaǧy jauynger Senım Şahmanovtyŋ beineündeuı körsetıldı.
– Qyzmet mınezdı şyŋdap, jauapkerşılıkke üiretedı. Men dūrys taŋdau jasaǧanyma senımdımın, – dedı ündeuınde Senım Şahmanov.
Kezdesulerge QR Qaruly küşterı Ūlttyq äskeri-patriottyq ortalyǧy Ortalyq ansamblınıŋ ärtısterı jinalǧandardy önerımen süisıntıp, tamaşa köŋıl-küi syilady. Äsırese patriottyq jäne äskeri taqyryptaǧy oryndalǧan şyǧarmalar äskeri bölımderdıŋ äskeri qyzmetşılerı men öŋır tūrǧyndaryn jıgerlendırdı.
