Bügın Ūlytau oblysy qoǧamdyq damu basqarmasynyŋ ūiymdastyruymen «Zaŋ men tärtıp: qoǧamdyq qauıpsızdıktı qamtamasyz etudegı memlekettık organdardyŋ rölı» taqyrybynda aqparattyq-tüsındıru seminar-kezdesu öttı. Is-şara «Zaŋ men tärtıp» qaǧidatyn ılgerıletu aiasynda ūiymdastyryldy.
Kezdesudıŋ negızgı maqsaty – qoǧamdyq qauıpsızdıktı qamtamasyz etudegı memlekettık organdardyŋ qyzmetın tüsındıru, azamattardyŋ qūqyqtyq mädenietın arttyru, sondai-aq memlekettık organdar men azamattyq qoǧam arasyndaǧy özara yqpaldastyqty nyǧaitu.
Is-şaraǧa arhiv jäne kıtaphana qyzmetkerlerı, qoǧamdyq kelısım salasynyŋ mamandary, qūqyq qorǧau organdarynyŋ ökılderı, sondai-aq ükımettık emes ūiym müşelerı qatysty. Kezdesu aşyq dialog formatynda ötıp, qatysuşylar özderın tolǧandyrǧan sūraqtaryn qoiyp, naqty ärı mazmūndy jauaptar aldy.
Jiyn barysynda qazırgı qoǧamda özektı bolyp otyrǧan alaiaqtyqtyŋ aldyn alu mäselesıne erekşe nazar audaryldy. Soŋǧy jyldary telefon jäne internet arqyly jasalatyn alaiaqtyq äreketterdıŋ jiılep ketkenı, äsırese aǧa buyn ökılderınıŋ jiı aldanyp qalatyny aityldy. Osy baǧytta oblystyq prokuraturanyŋ Qoǧamdyq müddelerdı qorǧau basqarmasynyŋ aǧa prokurory Jalǧas Bazarbaiūly Tölenov tüsındıru jūmystaryn jürgızıp, alaiaqtyqtan saqtanu joldaryna toqtaldy.
Sonymen qatar, Polisiia departamentınıŋ äkımşılık polisiia basqarmasy bastyǧynyŋ orynbasary, polisiia podpolkovnigı Arman Mūhametjanūly Abilkasimov qoǧamdyq tärtıptı saqtau jäne qūqyq būzuşylyqtardyŋ aldyn alu baǧytyndaǧy jūmystarmen tanystyrdy.
Kezdesude «Amanat» partiiasy Ūlytau oblystyq filialynyŋ partiialyq baqylau jönındegı inspektory Erşat Momynbaiūly Aubakirov azamattyq jauapkerşılıktıŋ maŋyzdylyǧyna toqtalsa, ükımettık emes ūiymdar atynan Ūlytau jastary qoǧamdyq bırlestıgı töraǧasynyŋ orynbasary Baqyt Bolatovna Bolatova azamattyq qoǧamnyŋ qūqyqtyq mädeniettı qalyptastyrudaǧy rölıne nazar audardy.
Sondai-aq, Memlekettık qūqyqtyq jūmys bölımınıŋ basşysynyŋ mındetın atqaruşy Qūralai Temırbekovna Qalmaǧanbetova zaŋnamalyq özgerıster men azamattardyŋ qūqyqtaryn qorǧau tetıkterı turaly aqparat berdı.
Kezdesu qorytyndysynda qatysuşylar mūndai aşyq dialogtardyŋ qūqyqtyq sauattylyqty arttyruǧa, qoǧamdyq qauıpsızdıktı nyǧaituǧa jäne qoǧamdaǧy tūraqtylyqty qamtamasyz etuge oŋ äser etetınıne senım bıldırdı.
Is-şaraǧa qatysyp, öz täjıribesımen bölısken barlyq spikerlerge jäne belsendılık tanytqan qatysuşylarǧa alǧys bıldırıldı.
