Qazaqstan Prezidentı Qasym-Jomart Toqaev Vaşingtonda ötken Beibıtşılık keŋesınıŋ inaugurasiialyq otyrysynda söz söiledı. Būl turaly Aqordanyŋ baspasöz qyzmetı jazdy, dep habarlaidy "Adyrna".
Sammitke qatysuşylardy qūttyqtaǧan Memleket basşysy AQŞ prezidentı Donald Trampqa osy tarihi ıs-şarany ūiymdastyrǧany üşın alǧys bıldırdı.
«Bızdıŋ Donald Tramp atyndaǧy Beibıtşılık institutynda ötıp jatqan kezdesuımız şeşuşı ärı pragmatikalyq äreketter aiqyndauşy mänge ie kezeŋde ūiymdastyrylyp otyr. Negızınen, söz şeksız konferensiialar men igı nietterge ǧana negızdelgen qararlar arqyly emes, naqty ärı maqsatty şaralar arqyly berık beibıtşılık ornatu turaly bolyp otyr. Qūrmettı Prezident myrza, jahandyq beibıtşılık pen tūraqtylyqty ılgerıletu jolyndaǧy aiqyn közqarasyŋyz ben köregen ūstanymyŋyz elımdı Beibıtşılık keŋesıne qosyluǧa jıgerlendırdı», – dedı ol.
Qasym-Jomart Toqaevtyŋ aituynşa, Beibıtşılık keŋesı jaŋa geosaiasi ahualǧa sai kelıp, qoldanystaǧy köpjaqty küş-jıgerdı nyǧaitady.
«Älem mūndai bastamalardy älı körgen joq. Şyn mänınde, būl – būryn-soŋdy bolmaǧan qadam. Sebebı “Jasampazdyq arqyly beibıtşılık” atty innovasiialyq tūjyrymdama nemese joba ortaq küş-jıgerımızdıŋ arqasynda şyndyqqa ainaluy äbden mümkın. Sondyqtan, qūrmettı Prezident myrza, berık beibıtşılık naqty ıs-qimyldarǧa negızdeluı tiıs degen ūstanymyŋyzdy tolyq qoldaimyn», – dedı Memleket basşysy.
Eske sala keteiık, Qazaqstan Prezidentı 19 aqpanda Vaşingtonǧa bardy. Sapar aiasynda ol şeteldık memleketter basşylarymen jäne AQŞ-tyŋ resmi tūlǧalarymen bırqatar kezdesuler ötkızedı.
Biyl 22 qaŋtarda Qasym-Jomart Toqaev Davosta Beibıtşılık keŋesınıŋ jarǧysyna qol qoiu räsımıne qatysty. Būl keŋes Donald Tramptyŋ bastamasymen qūrylǧan.
Būǧan deiın Toqaev Donald Tramptan Gaza boiynşa qūrylatyn Beibıtşılık keŋesınıŋ qūramyna kıruge resmi şaqyrtu alǧan alǧaşqy köşbasşylardyŋ bırı bolǧany habarlanǧan. Sondai-aq Qazaqstanǧa qūryltaişy memleketterdıŋ bırı bolu ūsynylǧan.
Vaşingtonnyŋ josparyna säikes, Beibıtşılık keŋesı Gazadaǧy beibıt damuǧa qatysty mındettemelerdıŋ oryndaluyn strategiialyq qadaǧalau, halyqaralyq resurstardy jūmyldyru jäne baqylau jūmystarymen ainalysady.
Qūryltaişy atqaruşy keŋeske (founding executive board) diplomatiia, development, infraqūrylym jäne ekonomikalyq strategiia salasynda täjıribesı bar jetı jetekşı kıredı. Ärbır müşe Gazany tūraqtandyru üşın asa maŋyzdy jeke baǧytqa jauap beredı.
Sonymen qatar Gaza atqaruşy keŋesı (Gaza executive board) qūrylyp, sektordyŋ jaŋa ükımetınıŋ qyzmetın baqylamaq. Būl keŋeske 11 adam enedı, onyŋ ışınde qūryltaişy atqaruşy keŋestıŋ tört müşesı bar.
