Aron Atabek tarihta «Şaŋyraq oqiǧasy» dep aty qalǧan, polisiia qyzmetkerınıŋ ölımıne äkep soqqan köterılıstı ūiymdastyrdy degen aiyppen18 jylǧa qamauǧa alynǧan edı. Qyzy Alma Nutuşeva temırtorda ǧūmyrynyŋ 15 jylyn ötkızgen äkesın aqtap aludy sūraidy. Ol osy maqsatta äleumettık jelıde Prezident Qasym-Jomart Toqaevqa arnap jazba qaldyrdy.
«Qasym-Jomart Kemelūly! Joldaudy tyŋdaǧannan keiın Men sızdıŋ eldegı barlyq jaǧdaidy jaqsartudy közdegenıŋızdı kördım. Men sızdıŋ būl baǧdarlamaŋyzǧa Qazaqstannyŋ jazyqsyz sottalǧan adamdaryn aqtap aludy qosuyŋyzdy sūraimyn»,-dep jazdy Alma Nutuşeva.Qyzynyŋ aituynşa, äkesıne taǧylǧan aiyptar negızsız. Äkesınıŋ türmeden därmensız küide üiıne oralǧanyn alǧa tartqan Aron Atabektıŋ qyzy, onyŋ qapastaǧy 15 jyly azapqa toly bolǧanyn alǧa tartty.
«Nelıkten maniaktar men kısı öltıruşıler 20 jyldan keiın denı sau bolyp şyǧady? Al äkemdı sonşa azaptaǧandary qalai, endı ony maǧan kım qaitarady?»,-dep aşyndy Alma Nutuşeva.Aron Atabek közı tırısınde şartty türde bosap şyǧudan bas tartyp, tolyq aqtaudy talap etken edı. Sonymen qatar ol türmede otyrǧan jyldary şaǧymdanu qūqyǧynan da aiyrylǧan bolatyn. Qyzynyŋ sözıne sensek, onyŋ hattary men şaǧymdary türme qabyrǧasynan ärı aspaǧan. Bükıl älem ony aiausyz azaptaǧanyn bıledı degen qyzy, Prezidentten «Şaŋyraq ısın» qaita qarauǧa jıberudı jäne äkesın qaitys bolǧannan keiın tolyq aqtaudy sūrady.
Ūqsas jaŋalyqtar
