Memleket basşysy Ashmore Group kompaniiasynyŋ bas direktory Mark Kumbsty qabyldady. Būl turaly Aqordanyŋ baspasöz qyzmetı mälımdedı, dep habarlaidy "Adyrna".
Qasym-Jomart Toqaev pen Ashmore Group halyqaralyq investisiialyq kompaniiasynyŋ basşysy Mark Kumbs özara tiımdı bırlesken jobalardy ıske asyru mäselelerın talqylady.
Prezidentke Ashmore Healthcare International kompaniiasy men «Samūryq-Qazyna İnvest» JŞS-ınıŋ bırlesıp, Qazaqstanda halyqaralyq klinika salu jospary jönınde mälımet berıldı. Būl bastamaǧa älemdık deŋgeidegı medisina operatory – Mount Sinai Health System kompaniiasyn tartu közdelgen. Memleket basşysy Ükımettıŋ atalǧan maŋyzdy jobaǧa jan-jaqty qoldau körsetuge daiyn ekenın aitty.
Mark Kumbs Qazaqstan ekonomikasynyŋ strategiialyq sektorlarynda yntymaqtastyq ornatu üşın zor äleuet bar ekenıne nazar audardy.
Sonymen qatar, ekonomikanyŋ basymdyqqa ie jäne joǧary tehnologiialy salalaryn damytuǧa baǧyttalǧan Aşyq investisiialyq serıktestık baǧdarlamasy aiasyndaǧy yqpaldastyq perspektivasy jaiynda pıkırımen bölıstı.
Būdan būryn Prezident U.S. International Development Finance korporasiiasynyŋ (DFC) atqaruşy direktory Ben Blektı qabyldaǧanyn jazǧan edık.
