Qazaqstan Respublikasynyŋ Prezidentı Qasym-Jomart Toqaevtyŋ töraǧalyǧymen ötken Ükımettıŋ keŋeitılgen otyrysynda premer-ministr Oljas Bektenov ekonomikanyŋ tūraqty damuyn qamtamasyz etu boiynşa atqarylyp jatqan jūmystar turaly baiandady, dep habarlaidy "Adyrna" ūlttyq portaly.
Premer-ministrdıŋ aituynşa, Memleket basşysynyŋ el ekonomikasyn nyǧaitu jönındegı tapsyrmalary men Qazaqstan halqyna Joldauynda aiqyndalǧan strategiialyq maqsattarǧa säikes Ükımet 2025 jyly jüielı özgerısterge baǧyttalǧan bırqatar şara qabyldaǧan.
Salyq, tarif jäne biudjet saiasatyna, sondai-aq sifrlyq, qūrylys jäne äleumettık salalarǧa qatysty şeşımder ekonomikanyŋ damuyna kedergı keltırıp otyrǧan qūrylymdyq teŋgerımsızdıkterdı joiuǧa baǧyttalǧan.
Oljas Bektenov salyq jäne biudjet reformalary Ūlttyq qordan nysanaly transfertterdı tartpai-aq, üş jyldyq biudjettı qalyptastyruǧa mümkındık bergenın atap öttı.
Būl 2028 jylǧa qarai biudjet tapşylyǧyn jalpy ışkı önımnıŋ 0,9 paiyzyna deiın qysqartuǧa jaǧdai jasaǧan.
Baiandamada aitylǧandai, jergılıktı biudjetterdıŋ respublikalyq biudjetke täueldılıgı 2025 jylǧy 50 paiyzdan 2028 jyly 34 paiyzǧa deiın tömendeidı.
Öz mamandyǧy zaŋger Oljas Bektenov 2024 jyly 6 aqpanda Premer-ministr bolyp taǧaiyndalǧan edı. Ol ükımetke Prezident äkımşılıgınen keldı.
