Astanada aýdandyq ákimdiktiń aldynda turǵan skverden Nursultan Nazarbaevtyń sýreti alynyp tastaldy. Saryarqa aýdanynyń baspasóz qyzmeti aqparatty rastady, dep habarlaıdy “Adyrna” ulttyq portaly.
Buryn Saryarqa aýdandyq ákimdiginiń aldynda eks-prezıdenttiń muraǵat retindegi sýretteri men basqa da saıasatkerlerdiń sýreti bar stendter turatyn.
Baspasóz qyzmetiniń málimetinshe, Kereı, Jánibek handar alańynda qaıta jóndeý jumystary bastaldy. Bul elorda turǵyndary men qonaqtarynyń jaılylyǵyn jaqsartý maqsatynda atqarylyp jatqan jumys.
«Jańartý aıasynda plakattary bar qurylǵylardy bólshekteý júrgizilip jatyr. Onyń ornyna kópjyldyq jasyl alańdary bar gúlzarlar bolady, bul ekologııa men jalpy estetıkany jaqsartýǵa yqpal etedi. Sondaı-aq, jobada qosymsha jaryqtandyrý, syrtqy jıhazdy jańartý jáne úılesimdi landshaft dızaınyn jasaý qarastyrylǵan», dep jaýap berdi Saryarqa aýdanynyń baspasóz qyzmeti.
