Jetısu oblysynda «Taza Qazaqstan» ekologiialyq baǧdarlamasy aiasynda «Taza Time: tazalyq – ortaq mındet» taqyrybynda jastarmen kezdesu öttı. Atalǧan ıs-şara jastardyŋ ekologiialyq sauatyn arttyru, tazalyqty tūraqty ädetke jäne ömırlık ūstanymyna ainaldyru maqsatynda ūiymdastyryldy.
Sarqan audanynda ötken kezdesu barysynda «Sarqan jastary» filialynyŋ jetekşısı Bauyrjan Jantasov ekologiialyq sanany qalyptastyrudyŋ naqty tetıkterıne toqtaldy:
- Aldaǧy uaqytta «Taza Time» qozǧalysyn tūraqty nasihattap, tazalyq aksiialaryn jiı ötkızu – bızdıŋ ortaq mındetımız. Sızderdıŋ ärqaisyŋyzdyŋ osy şaralarǧa belsendı qatysularyŋyz qoǧamǧa oŋ yqpal etıp, jastar arasyndaǧy ekologiialyq mädeniettı qalyptastyruǧa üles qosatyny anyq. Eŋ bastysy, «Taza oi – taza orta - taza bolaşaq» qaǧidasyn ūstanyp, tazalyqty ömır saltymyzǧa ainaldyraiyq, - dedı ol.
Belsendı qatysuşylarǧa alǧys hattar tabystalyp, qatysuşylar aşyq pıkır almasty, öz ūsynys-tılekterın bıldırdı, tazalyqty ömır saltyna ainaldyru turaly ortaq ündeu qabyldandy.
