21 säuır künı Jetısu oblysy, Köktal auylynda jeke üige qaraqşylyq şabuyl jasady degen aiyppen ekı küdıktı ūstaldy. Auzy-basyn tūmşalaǧan ekı belgısız er adam üige basyp kırıp, 28 jasar kelınşektı üreilendırgen. Ūrlyq-qarlyq jasauǧa dänıkken küdıktıler üi iesın bailap, pyşaqpen qorqytqan, dep habarlaidy "Adyrna" ūlttyq portaly.
Polisiia qyzmetkerlerınıŋ baiandauynşa, qos küdıktı äieldı bailap, tūnşyqtyryp, pyşaqpen qorqytyp, qolma-qol aqşa talap etken. Oilaǧandaryn ıske asyra almaǧan olar üidegı ekı qymbat telefondy, gauhar tastary bar zergerlık būiymdardy, noutbuk, ämiian jäne aulada tūrǧan Toyota Camry kölıgın qoldy qylǧan. Jalpy kelgen şyǧyn kölemı - 22 mln teŋge.
Bolǧan oqiǧanyŋ aq-qarasyn anyqtauǧa polisiia qyzmetkerlerı kırıstı. Qazır aumaqta QR QK 192-babynyŋ 4-bölıgı boiynşa tergeu amaldary jürgızılıp jatyr.
"Audandyq polisiia qyzmetkerlerı oblystyq KPB jäne ŪQQKB jedel uäkılderınıŋ kömegımen küdıktılerdı anyqtady. Olardyŋ bırı - 23 jastaǧy jergılıktı tūrǧyn, ekınşısı Köksu audanynyŋ būryn sottalǧan 29 jastaǧy er adamy bolyp şyqty. Ekeuı de ūstalyp, qamauǧa alyndy. Ūrlanǧan zattardyŋ barlyǧy zaŋdy iesıne qaitaryldy", - dedı Panfilov audandyq PB bastyǧynyŋ orynbasary Ernar Qaltaev.
"Adyrna" ūlttyq portaly
Ūqsas jaŋalyqtar
