Memleket basşysy Qasym-Jomart Toqaev Qazaqstan halqyn Jeŋıs künımen qūttyqtady. Būl turaly Aqorda mälımdedı, dep habarlaidy “Adyrna” ūlttyq portaly.
“Sızderdı Ūly Jeŋıstıŋ 80 jyldyǧymen şyn jürekten qūttyqtaimyn!
Osy mereilı kündı elımızdıŋ ärbır azamaty erekşe köŋıl-küimen qarsy alyp, Jeŋımpaz aǧa buynǧa şeksız rizaşylyǧyn bıldıredı.
Faşizmge qarsy sūrapyl soǧys halqymyzǧa orasan zor qaiǧy-qasıret äkeldı. Bızdıŋ qaharman jauyngerlerımız asqan erlık pen batyldyq tanytyp, azattyq pen ädıldık jolynda aianbai kürestı. Jüz myŋdaǧan sarbazymyz ūrys dalasynda qaza tapty. Tyldaǧy jūrt ta adam aitqysyz qiyndyqqa qaramastan tynymsyz ter tögıp, Jeŋıstı jaqyndatuǧa ölşeusız üles qosty. Olar egıs alqabynda, zauyttar men fabrikalarda kün-tün demei jūmys ıstep, maidandy qamtamasyz ettı.
Bız otandastarymyzdyŋ qaitpas qaisarlyǧy men qajyrly eŋbegın eşqaşan ūmytpaimyz. Janqiiarlyq pen erlıktıŋ ozyq ülgısın körsetken batyrlarymyzdyŋ esımın ärdaiym ūlyqtaimyz. Ardagerlerımızge qamqorlyq jasap, qoldau bıldıremız.
Qazaqstanda Jeŋıs künıne orai köptegen ıs-şara ötkızılıp jatyr. Elımız boiynşa bes jüzge juyq köşenı qaharman erlerımızdıŋ atymen atau turaly şeşım qabyldandy. Auqymdy äskeri şeru öttı. Mūnyŋ bärı zūlmat soǧystyŋ zardabyn halqymyz eşqaşan jadynan şyǧarmauy üşın qajet.
Bız Jeŋıs künınde beibıt ömırdıŋ qadırın ūǧynyp, dostyq pen tynyştyqtyŋ maŋyzdylyǧyn tereŋ tüsınemız. Osy myzǧymas qūndylyqtar ärdaiym halqymyzdyŋ äl-auqatyn arttyrudyŋ jäne Qazaqstandy tūraqty damytudyŋ berık negızı bolyp qala beredı. Men būǧan kämıl senemın.
Qadırlı ardagerlerımızge jäne barşa otandastarymyzǧa zor densaulyq, baq-bereke tıleimın!
Ūly Jeŋıs künı qūtty bolsyn!” dedı prezident.
