Prezident Qazaqstan halqyn Pasha merekesımen qūttyqtady, dep habarlaidy "Adyrna" ūlttyq portaly.
Memleket basşysy Pasha dästürlerı jūrtty jasampazdyqqa jetelep, janaşyrlyq tanytuǧa şaqyratynyn atap öttı.
“Qūrmettı elımızdıŋ pravoslav qauymy! Barşaŋyzdy Pasha merekesımen qūttyqtaimyn. Būl meiram – meiırımdılık pen ızgılıktıŋ körınısı. Mereke kezınde dındar qauym zor quanyşqa keneledı, bolaşaǧy jarqyn bolaryna senımı artady. Jalpyūlttyq mädeni kodymyzben berık sabaqtasyp jatqan Pasha dästürlerı jūrtty jasampazdyqqa jeteleidı. Sondai-aq mūqtaj adamdarǧa kömektesuge, jaqyn jandarǧa janaşyrlyq tanytuǧa şaqyrady. Bız halqymyzdyŋ qaisarlyǧy men yntymaǧynyŋ arqasynda barlyq qiyndyqty eŋseremız. Ädılettı Qazaqstandy qūru üşın biık belesterdı baǧyndyra beremız. Barşaŋyzǧa zor densaulyq, baq-bereke jäne tolaǧai tabys tıleimın!” – dedı öz qūttyqtauynda Prezident Toqaev.
Ūqsas jaŋalyqtar
