Almaty qalasynda mädeniet jäne öner qairatkerlerımen ötken kezdesude QR Premer-Ministrınıŋ orynbasary – Mädeniet jäne aqparat ministrı, «Ädılettı jäne Progressivtı Qazaqstannyŋ Halyqtyq Konstitusiiasy üşın!» Jalpyūlttyq koalisiiasynyŋ müşesı Aida Balaeva jaŋa Konstitusiia jobasynyŋ män-maŋyzyna toqtalyp, būl qūjat eldıŋ bolaşaǧyn aiqyndaityn tarihi şeşım ekenın atap öttı.
Vise-premerdıŋ aituynşa, Jaŋa Konstitusiia jobasynyŋ basty özegı – azamattardyŋ igılıgı men eldıŋ tūraqty damuy.
«Jaŋa Konstitusiia jobasynyŋ eŋ basty özegı – azamattardyŋ igılıgı, eldıŋ tūraqty damuyna negızdeluı. Jaŋa Preambulada adam qūqyqtary men bostandyqtary alǧaş ret memlekettıŋ eŋ joǧary basymdyǧy retınde aiqyn belgılendı», – dedı Aida Balaeva.
Onyŋ sözınşe, jaŋa redaksiiada bırlık pen yntymaqtastyq, ūltaralyq jäne dınaralyq kelısım Qazaqstan memlekettılıgınıŋ berık ırgetasy retınde bekıtılgen. Egemendık pen Täuelsızdık, eldıŋ aumaqtyq tūtastyǧy özgermeitın qūndylyqtar sanatyna engızılgen.
Sonymen qatar, koalisiia müşelerı – QR Parlamentı Mäjılısınıŋ deputaty Amanjol Ältai, Qazaqstan Jazuşylar odaǧynyŋ töraǧasy Mereke Qūlkenov, halyqaralyq «Qazaq tılı» qoǧamy» qoǧamdyq bırlestıgınıŋ prezidentı Rauan Kenjehan öz sözderınde ädılettılık, Zaŋ men Tärtıp, tabiǧatqa jauapkerşılıkpen qarau qaǧidattary alǧaş ret Negızgı zaŋ deŋgeiınde aiqyndalyp otyrǧanyn atap öttı. Būl qoǧamdaǧy ädıldık pen tärtıptı nyǧaityp qana qoimai, keler ūrpaq aldyndaǧy ekologiialyq jauapkerşılıktı de zaŋdyq tūrǧyda bekıtetının jetkızdı.
Öz kezegınde Vise-premer Jaŋa Ata zaŋnyŋ bükıl qoǧam üşın ortaq jauapkerşılık ekenın erekşe atap öttı.
«Jaŋa Ata zaŋnyŋ taǧdyry tek zaŋgerler men saiasatkerlerdıŋ ǧana emes, bükıl qoǧamnyŋ ortaq ısı. Äsırese mädeniet pen öner salasynyŋ ökılderı üşın būl qūjattyŋ mänı tereŋ», – dedı ol.
Kezdesude Jaŋa Konstitusiia jobasynda mädeniet, ǧylym men bılımdı damytuǧa erekşe män berılgenı aityldy. Alǧaş ret «tarihi-mädeni mūrany saqtau» men «töl mädeniettı qoldau» negızgı qaǧidattar retınde aiqyndalyp otyr. Sondai-aq azamattardyŋ tarihi jäne mädeni mūraǧa ūqypty qarau mındetı bekıtılgen.
Memleket mädeni äraluandyqty, ǧylymi ızdenıstı jäne bılımge negızdelgen damudy strategiialyq basymdyq retınde belgıleidı. Ziiatkerlık menşıktı qorǧau konstitusiialyq deŋgeide bekıtılıp, şyǧarmaşylyq erkındık mazmūndyq tūrǧydan naqtylanǧan.
Būdan bölek, alǧaş ret azamattardyŋ qūqyqtaryn sifrlyq ortada qorǧau turaly norma engızılgen. Būl jaŋa tehnologiialar däuırınde adamnyŋ jeke derekterı men qauıpsızdıgın qamtamasyz etuge baǧyttalǧan.
Otbasy institutyna qatysty da naqty norma bekıtılgen. Konstitusiiada neke er adam men äiel adamnyŋ erıktı taŋdauy men teŋ qūqyǧyna negızdelgen odaq ekenı aiqyn körsetılgen.
Jalpy alǧanda, jaŋa Konstitusiia adam qūqyqtaryna tübegeilı baǧdarlanǧan jäne jaŋa qoǧamdyq kelısımnıŋ berık negızın qalyptastyruǧa baǧyttalǧan qūjat retınde ūsynylyp otyr.
«Būl referendum – kezektı saiasi nauqan emes, bolaşaǧymyzdyŋ basty qūqyqtyq kepılı. Onyŋ sätımen ötuı – sız ben bızge tıkelei bailanysty. Sondyqtan barşaŋyzdy jaŋa Konstitusiiany qoldauǧa şaqyramyn», – dedı Aida Balaeva.
Kezdesude teatr jäne kino akterı, Qazaqstannyŋ Halyq ärtısı Bolat Äbdılmanov, T.Jürgenov atyndaǧy Qazaq ūlttyq öner akademiiasynyŋ rektory Arman Jüdebaev, Qazaqstan Respublikasy Ūlttyq ortalyq muzeiınıŋ direktory Serjan Sarov jäne özge de qatysuşylar jaŋa Konstitusiia jobasyna qatysty pıkır bıldırıp, salany odan ärı damytu baǧytyndaǧy ūsynystaryn ortaǧa saldy. Qatysuşylar eldıŋ bolaşaǧy üşın jauapty taŋdau jasau qajettıgın atap öttı.
