Rio Olimpiadasynyŋ kümıs jüldegerı, tanymal zıltemırşı Jazira Japparqūl saudamen ainalysyp jürgenın aitty, dep habarlaidy "Adyrna" ūlttyq portaly.
Būl turaly sportşy Aqyrys Seitqazy YouTube arnasyna bergen sūhbatynda aitty.
Sportşy Japparqūl Şymkenttegı bazarlardyŋ bırınde öz käsıbın döŋgeletıp jatqanyn habarlaǧan. Aituynşa, sauda ornyn özı basqaryp, barlyq tauarlardy tıkelei özı tapsyrys beredı.
«Bazarda sauda jasaimyn. Ol jerde özımnıŋ adamdarym bar. Arasynda özım de baryp, baqylap tūramyn. Aşyp ketıp qalu degen joq. Bärın basy-qasynda tūryp jürgızu kerek», – dedı sportşy.
Sportşy köpşılıktıŋ onyŋ bazarda jürgenıne taŋǧalyp qaraitynyn jasyrmady.
«Keide satyp aluşylar menı tanyp, «Sen bazarǧa şyǧyp kettıŋ be?» dep sūraidy. Sonda ne bolypty? Men bıreudıŋ nanyn tartyp alyp jürmın be? Işıp ketsem, «mal bolyp kettı» deisıŋder, jūmys ısteseŋ, taǧy bırdeŋe deisıŋder. Tüzu söilep üirenıŋderşı», – dep renışın bıldırdı Japparqūl.
