Amerikalyq aktrisa jäne BŪŪ Bas komissarynyŋ bosqyndar ısı jönındegı basqarmasynyŋ ızgı niet elşısı Andjelina Djoli qaiyrymdylyq ūiymy Legacy of War Foundation arqyly Ukrainadaǧy Nikolaev pen Herson qalalaryna barǧany turaly aitty. Ol būl turaly özınıŋ Instagram paraqşasynda jazdy, dep habarlaidy “Adyrna”.
Djoli medisina qyzmetkerlerı, jergılıktı tūrǧyndar jäne erıktılermen kezdesken.
«Nikolaev pen Herson tūrǧyndary är künde qauıp-qaterde ömır sürse de, berıluge daiyn emes. Älemdegı ükımetter beibıt tūrǧyndardy qorǧaudan bas tartqan kezde, olardyŋ küşı men bır-bırıne körsetken qoldauy ülken qūrmetke laiyq. Qaruly qaqtyǧystyŋ tört jylǧa juyq uaqytqa sozyluyna qaramastan, olardyŋ şarşaǧany anyq, bıraq tabandylyǧy da aiqyn. Otbasylar qauıpsızdık, beibıtşılık pen ömırın qaita qalpyna keltıru mümkındıgın qalaidy», dep jazdy aktrisa.
Aita keteiık, būǧan deiın onyŋ Ukrainaǧa eskertpei barǧanyn habarladyq.
Jergılıktı BAQ-tyŋ habarlauynşa, aktrisa Ukrainaǧa gumanitarlyq missiiamen barǧan. Ol medisinalyq mekemelerge soǧyp, qoǧamdyq ūiym ökılderımen kezdesken. Sondai-aq äleumettık jelıde Djolidıŋ ukrainalyq balalarmen äŋgımelesıp otyrǧan sätı taspalaǧan suret te taraǧan.
Hersonǧa bara jatqan jolda aktrisa Nikolaevtaǧy äskeri jinaqtau jäne äleumettık qoldau ortalyǧyna soqqan. Ukrainalyq «Politika Strany» basylymy men Odessadaǧy Telegram-arnalardyŋ habarlauynşa, jol üstınde onyŋ küzetşısın toqtatyp, äskeri qyzmetke jaramdy ekenın anyqtaǧan. Alaida būl oqiǧaǧa aktrisa da, resmi organdar da naqty tüsınıkteme bermedı.
Eske salsaq, aktrisa būǧan deiın de Ukrainaǧa sapar jasaǧan. Ol 2022 jyly säuır aiynyŋ soŋynda Lvov qalasyna baryp, temırjol vokzalyndaǧy bosqyndardy qabyldau ortalyǧyna, internatqa baryp, äskeri äreketterden zardap şekken balalarmen kezdestı. Jergılıktı tūrǧyndar Djolidıŋ kafege kırgen sätın videoǧa tüsırgen.
