30 jastaǧy qazaqstandyq Aleksei Sergeev Ukrainadaǧy soǧysta qaza tapqan 270 qazaqstandyqtyŋ qatarynan tabyldy, dep habarlaidy "Adyrna" ūlttyq portaly Ulysmedia.kz-ke sıltep.
Uralsknews.kz deregınşe, er adamnyŋ jūbaiy Nadejda küieuımen soŋǧy ret nauryz aiynda söileskenın aitady. Sol uaqyttan berı ol bailanysqa şyqpaǧan.
«Men onyŋ ol jaqta ekenın mülde bılmedım. Ol jyl basynda Astanaǧa jūmys ızdep ketken, al nauryzda bailanys üzıldı. Men ony bükıl Qazaqstan boiynşa ızdedım. Onyŋ şetelge şyǧuyna tyiym salynǧan bolatyn. Ol qalaişa Reseige, keiın Ukrainaǧa tap boldy? Men sotqa bardym. Astana arqyly ony ızdeuge berdık. Endı onyŋ qaida ekenın, qai jerde jerlengenın bılgım keledı. Ölım turaly kuälık aluym kerek. Qalai ömır süremın, balany jalǧyz qalai ösıremın?», — deidı äiel.
Äieldıŋ sözınşe, küieuın belgısız adamdar ūrlap, soǧysqa jıbergen boluy mümkın.
