Bügın oblys äkımdıgınde Konstitusiialyq reformalar talqyǧa salynǧan jiyn öttı. Oǧan ŞQO äkımı Nūrymbet Saqtaǧanov qatysty.
«Memleket basşysy Qasym-Jomart Kemelūly Toqaevtyŋ jarlyǧymen Konstitusiialyq reforma jönındegı komissiia qūrylyp, oǧan 130 adam kırgen bolatyn. Olardyŋ qatarynda jerlesterımız - oblystyq mäslihat töraǧasy Denis Rypakov pen qoǧamdyq keŋes töraǧasy Aiaujan Äşımova da bar. Ata Zaŋǧa özgerıs engızu - memleket negızıne jäne qoǧamdyq kelısımge tıkelei qatysty maŋyzdy mäsele. Sondyqtan jiyn jabyq «tar şeŋberde» emes, aşyq ärı jariia formatta öttı», - dedı aimaq basşysy.
Onyŋ aituynşa, jaŋa Konstitusiia jobasy - qoǧamnyŋ sūranysy men zaman talaptaryna sai äzırlengen, memlekettıŋ qūqyqtyq negızderın jaŋǧyrtuǧa baǧyttalǧan, jaŋa mazmūn men maǧynaǧa ie maŋyzdy qūjat. Ata Zaŋda Qazaqstannyŋ demokratiialyq, zaiyrly, qūqyqtyq jäne äleumettık memleket ekenı naqty bekıtılgen. Ūsynylyp otyrǧan jobada Kırıspe, 11 bölım jäne 95 bap bar.
Jiyn barysynda oblystyq mäslihat töraǧasy Denis Rypakov jaŋa Konstitusiia jobasynyŋ kei baptaryna toqtalyp öttı. Al öŋırlık qoǧamdyq keŋes töraǧasy Aiaujan Äşımova Konstitusiialyq komissiia qyzmetınıŋ aşyqtyǧyn arttyru üşın tiıstı şaralar qabyldanǧanyn jetkızdı.
«Konstitusiialyq komissiia barlyq tüsken ūsynystar men talqylaular negızınde özara kelısılgen jäne Konstitusiia mätınıne engızılgen tüzetulerdıŋ jinaqtalǧan jobasyn daiyndady. 77 bapqa tüzetu engızıldı, būl Konstitusiia mätınınıŋ 84 paiyzyn qūraidy. Osylaişa özgerıster men tolyqtyrular Negızgı zaŋnyŋ barlyq bölımın qamtydy», - dedı ol.
Jinalys soŋynda Nūrymbet Saqtaǧanov Otanymyzdy körkeitu, zaŋ men tärtıp üstemdık qūrǧan, ädılettı, qauıpsız ärı taza Qazaqstandy qūru - barşamyzǧa ortaq mındet ekenın aitty.
