Qazaqstan parlamentı bır kün ışınde alty konstitusiialyq zaŋdy ekınşı oqylymda maqūldady, dep habarlaidy "Adyrna".
Särsenbı künı qabyldanǧan qūjattardyŋ qatarynda «Qazaqstan Respublikasynyŋ Qūryltaiy jäne onyŋ deputattarynyŋ märtebesı turaly» jäne «Qazaqstan Halyq Keŋesı turaly» konstitusiialyq zaŋdar bar.
Sonymen qatar «Qazaqstan Respublikasynyŋ Prezidentı turaly» konstitusiialyq zaŋ da qoldau tapty.
Parlament «Qazaqstan Respublikasynyŋ astanasynyŋ märtebesı turaly» konstitusiialyq zaŋdy ekınşı oqylymda maqūldady.
Būdan bölek, «Qazaqstan Respublikasynyŋ äkımşılık-aumaqtyq qūrylysy turaly» konstitusiialyq zaŋ, «Qazaqstan Respublikasynyŋ Konstitusiialyq zaŋdaryna özgerıster men tolyqtyrular engızu turaly» qūjat ta maqūldandy. Ol Konstitusiiaǧa säikestendıru, sailau jäne prokuratura salalaryndaǧy zaŋnamany jetıldıruge baǧyttalǧan.
Zaŋ jobalary Qazaqstandaǧy konstitusiialyq reformalar aiasynda qaraldy. Olardyŋ maqsaty – zaŋnamany Konstitusiiaǧa säikestendıru, memlekettık basqaru jüiesındegı ökılettıkterdı qaita bölu, bilık tarmaqtary arasyndaǧy tepe-teŋdıktı küşeitu jäne basqaru tiımdılıgın arttyru.
