Elımızde jüzege asyrylyp jatqan qoǧamdyq-saiasi bastamalar men jalpyhalyqtyq deŋgeide talqylanyp jatqan maŋyzdy mäselelerde qoǧam da qarap qalyp jatqan joq, dep habarlaidy "Adyrna" ūlttyq portaly.
Belsendı azamattar öz pıkırlerın bıldırude. Şymkenttık aqyndar da būl üderısten tys qalǧan joq. Olar el bolaşaǧyna qatysty oi-tūjyrymdaryn dästürlı jyr ülgısımen örnektep, özektı taqyryptardy öleŋmen örnektep jetkızıp jatyr.
Äleumettık jelıde taraǧan videodan Bırjan Baituov, Nūrlan Esenqūlov, Anar Japparqūlova aqyndardyŋ eldık müdde, memlekettık tıldıŋ märtebesı, ūlttyq qūndylyqtardy saqtau jäne qoǧamdyq tūtastyq mäselelerın arqau etken öleŋ joldaryn jariia ettı.
Şymkenttık aqyndar täuelsız memleket retınde qabyldanatyn ärbır maŋyzdy şeşım halyqtyŋ tarihi sanasy men ūlttyq bolmysyna negızdeluı tiıs degen oidy alǧa tartady.
«Täuelsızdık alǧaly ana tılde,
Jazylǧan alǧaş zaŋy eken eldıŋ» degen öleŋ joldary, äsırese, täuelsızdık kezeŋınde tūŋǧyş ret zaŋnyŋ qazaq tılınde qabyldanuyn atap körsetıp, memlekettık tıldıŋ zaŋ şyǧaru ısındegı naqty märtebesın aiqyndauǧa baǧyttalǧan.
Sonymen qatar dästürlı otbasy qūndylyqtaryn saqtau, ūlttyq tärbie institutyn nyǧaitu, qoǧamdaǧy tūraqtylyq pen kelısımdı qamtamasyz etu syndy baǧyttar da aqyndar nazarynan tys qalmapiy. Olar tarihi tamyrdan ajyramai, zaman talabyna sai damu qajettıgın tılge tiek etıp, el bırlıgın basty ūstanym retınde körsetedı.
Jer men tabiǧi bailyqtyŋ halyq igılıgıne qyzmet etuı, äleumettık ädıldık qaǧidattarynyŋ saqtaluy mäselesın de aqyndar tılge tiek etıp, atap körsetedı.
Jalpy, aqyndardyŋ azamattyq ūstanymy - qazaq poeziiasynyŋ ejelgı dästürımen sabaqtas. Qai kezeŋde de söz ielerı halyqtyŋ oi-tılegın jetkızıp, eldık mäselelerde ün qosyp otyrǧan. Bügıngı şyǧarmaşylyq ökılderı de osy ürdıstı jalǧastyryp, qoǧamdyq pıkır alaŋynda belsendılık tanytyp keledı.
