Qostanai oblysynyŋ äkımı Qūmar Aqsaqalovtyŋ töraǧalyǧymen elımızdıŋ jaŋa Konstitusiiasy jobasyn talqylau jönındegı aimaq aktivınıŋ otyrysy öttı. Jiynǧa oblystyq mäslihat töraǧasy, oblystyq basqarmalardyŋ, aumaqtyq departamentterdıŋ basşylary, qūqyq qorǧau jäne arnauly memlekettık organdardyŋ ökılderı, sondai-aq BAQ ökılderı qatysty.
Ūlttyq Qūryltaidyŋ V otyrysynda Memleket Basşysy Konstitusiialyq reformanyŋ negızgı baǧyttary turaly öz közqarasyn ūsynǧan bolatyn. Öŋır basşysy būl konstitusiialyq reforma – Qazaqstannyŋ bolaşaq damu modelın aiqyndaityn, qoǧamnyŋ qūndylyqtyq baǧdaryn naqtylaityn strategiialyq ideologiialyq qadam ekenın atap öttı.
«Ata Zaŋ jobasy jarty jylǧa juyq äzırlenıp, qazırgı zamanǧy qoǧamdyq sūranystar men elde bolyp jatqan naqty özgerısterdı eskere otyryp daiyndalǧan. Konstitusiianyŋ tūjyrymdamalyq özgerısterı, eŋ aldymen, memlekettıŋ adamǧa baǧdarlanuyn küşeituge, Qazaqstan halqynyŋ özektı qūndylyqtary men qaǧidattaryn körsetuge, sondai-aq respublikanyŋ saiasi instituttary qūrylymynyŋ tiımdılıgın arttyruǧa baǧyttalǧan.
Jaŋa Preambulada alǧaş ret memlekettıŋ negızgı basymdyǧy retınde adam qūqyqtary men bostandyqtary jariialandy jäne adamǧa degen qūrmet, jauapkerşılık pen ädılettılık qaǧidattary qoiylyp otyr.
«Adam – memleket üşın emes, memleket – adam üşın» degen ūstanym memlekettıŋ barlyq saiasatynyŋ özegıne ainaluda. Būl – äleumettık ädıldıkke, teŋ mümkındıkterge, zaŋ aldyndaǧy teŋdıkke negızdelgen jaŋa qoǧamdyq kelısım», – dedı Qūmar Aqsaqalov.
Prezident bastamaşy bolǧan «Zaŋ jäne tärtıp» ideologiiasynyŋ Konstitusiiada naqty normalarmen bekıtıluı – qoǧamdaǧy tärtıp pen tūraqtylyqty qamtamasyz etudıŋ berık ırgetasy. Zaŋdy qūrmetteu, jauapkerşılıktı sezınu, qoǧamdyq tärtıpke nöldık tözımdılık qaǧidaty – damyǧan jäne qauıpsız memlekettıŋ basty şarty.
Jaŋa Konstitusiiada ūlttyq bıregeilıktı saqtau men zamanaui qūndylyqtardy üilestıru ideiasy aiqyndaldy. Bırlık, kelısım, toleranttylyq – köpetnosty Qazaqstan qoǧamynyŋ basty artyqşylyǧy retınde tanylyp, memlekettılıktıŋ myzǧymas negızı retınde bekıtıldı.
Qostanai oblysynyŋ äkımı jaŋa Konstitusiia jobasynda közdelgen özgerısterdıŋ mänı men maŋyzyn aimaǧymyzdyŋ ärbır tūrǧynyna jetkızıp, tüsındıru jūmystaryn jürgızu – ortaq mındet ekenın jetkızdı. Al būl reforma eldıŋ jarqyn bolaşaǧyn qamtamasyz etuge, qoǧamdyq tūraqtylyqty nyǧaituǧa jäne ädılettılık qaǧidattaryn ornyqtyruǧa baǧyttalǧan maŋyzdy ärı auqymdy bastama ekendıgıne kämıl senetının aitty.
Qostanai oblystyq mäslihatynyŋ töraǧasy Sailaubek Eşanov būl reforma şyn mänınde qoǧamnyŋ qazırgı sūranysy men talaptaryna jauap beretın memlekettık jäne qoǧamdyq qūrylymnyŋ jaŋa modelın qalyptastyryp otyrǧanyn jetkızdı.
«Konstitusiia jobasy qoldanystaǧy mätındı jaŋartyp qana qoimai, memlekettıŋ jaŋa qūqyqtyq, institusionaldyq jäne äleumettık arhitekturasyn qalyptastyrady. Ol qazırgı zamanǧy syn-qaterlerge baǧyttalǧan, adamnyŋ qūqyǧy men bostandyǧyn nyǧaitady, azamattyq qoǧamnyŋ rölın keŋeitedı jäne saiasi jüienıŋ tūraqtylyǧyn arttyrady», – dedı Sailaubek Eşanov.
