Prezıdent saılaýy birshama jańashyldyq ákeledi. Ony batyl iske asyrýymyz kerek. Bul týraly Qazaqstandyq qoǵamdyq damý ınstıtýtynyń sarapshysy Jumaǵulov Eldos Táńirbergenuly “Adyrna” ulttyq portalyna aıtyp berdi.
“Jarııalanǵan prezıdent saılaýy “Jańa Qazaqstan” jaǵdaıynda alǵash ret óteıin dep otyr. Jańa talaptarmen 7 jylǵa prezıdentti saılaımyz. Sondyqtan basty jańashyldyqtyń biri - osy.
Árıne, bir saılaýmen demokratııany ornatý qıyn. Demokratııa azamattyq qoǵamnyń qalyptasýy, zańdardyń ózgerister arqyly keletini belgili. Endi úlken qadamdar jasalyp jatqandyqtan, osy ózgerister jolyndaǵy demokratııalyq ózgerister ol bizge basqa elge elikteý úshin emes, bireýge unaý úshin emes, sol zamannyń talaby, halyqtyń bıligi úshin qajet. Degenmen, qoǵamda mynadaı suranys bar. Ol - saılaýdyń ádil ótýi, ashyq ótýi. Osy suranystarǵa sáıkes kelse, biz onda demokratııalyq ótti dep aıta alamyz”,- dedi ol.
Tarıhshy jańa reformalardy batyl iske asyrýymyz kerek ekenin de basa aıtyp ótti
“Prezıdent saılaýyn Toqaev nege qoıyp otyr? Birinshiden, elimizde biraz ózgerister boldy. Jańa reformalardyń basy aıtyldy. Prezıdenttiń quzyretteri shektelip jatyr. Osy jaǵdaıda mynandaı suraq týady: “osy reformalardy halyq qoldap jatyr ma?”. Sol saılaýda halyq osy reformalardy ary qaraı kórgimiz keledi, osy “Jańa Qazaqstanda” ómir súrgimiz keledi” dese onda belgili bolady. Ary qaraı batyl túrde osy oıǵa alǵan reformalardy iske asyrýymyz kerek. Prezıdent jańa mandatyna ıe bolǵan soń, odan ári parlamenttiń jańa erejeleri men qalyptasatyn majorıtarlyq proporıonal júıe, máslıhattarqalyptasady. Osy arqyly búkil júıeniń bastaýy deıtinimiz sol. Árıne jańa aıtqan reformalardy batyl iske asyrý kerek. Sonda ǵana Jańarý men jańǵyrý Prezıdent saılaýynan bastalatynyn kóremiz.
Aldaǵy bolatyn bizdiń eldiń damý jolyndaǵy ekonomıkalyq, saıası, áleýmettik jaǵdaılardy arttyrýǵa bul saılaýdyń yqpaly zor”,- dedi Eldos Táńirbergenuly.
”Adyrna” ulttyq portaly
