Qaŋtar aiynda Qazaqstannyŋ Ūlttyq qorynan $350 mln kölemınde şetel valiutasy satyldy, al aqpanda būl körsetkış $350–450 mln aralyǧynda boluy mümkın. Būl turaly Qazaqstan Ūlttyq bankı jariialady, dep habarlaidy "Adyrna".
Ūlttyq banktıŋ mälımetınşe, qaŋtar aiynyŋ qorytyndysynda teŋge baǧamy 0,9%-ǧa nyǧaiyp, bır AQŞ dollary 501,24 teŋge deŋgeiınde qalyptasty. Qazaqstan qor birjasyndaǧy sauda-sattyqtyŋ ortaşa täulıktık kölemı $359 mln-nan $306 mln-ǧa deiın tömendep, ailyq jalpy ainalym $5,8 mlrd boldy. Ūlttyq qordan satylǧan valiutanyŋ ülesı jalpy sauda kölemınıŋ 6%-yn nemese täulıgıne $18,5 mln-nan aspaityn mölşerdı qūrady.
Kütıletın fiskaldyq tüsımderdı eskere otyryp, Ükımettıŋ aldyn ala ötınımderı boiynşa aqpan aiynda respublikalyq biudjetke transfert bölu üşın Ūlttyq qordan $350–450 mln kölemınde valiuta satu közdelıp otyr.
Sonymen qatar qaŋtar aiynda ainalau operasiiasy aiasynda 350 mlrd teŋge alyndy. Aqpan aiynda da osy kölemde valiuta satu josparlanǧan. Ūlttyq bank Ūlttyq qor qarajatymen operasiialar jürgızu kezınde naryqtyq beitaraptyq qaǧidatyn saqtaitynyn atap öttı.
Retteuşı qaŋtar aiynda valiutalyq intervensiialar jürgızılmegenın mälımdedı. Al kvazimemlekettık sektor tarapynan valiutalyq tüsımnıŋ bır bölıgın mındettı satu kölemı şamamen $206 mln boldy. BJZQ aktivterınıŋ valiutalyq ülesı 40%-dan asuyna bailanysty qaŋtarda da, aqpanda da zeinetaqy aktivterı esebınen dollar satyp alu josparlanbaǧan.
Ūlttyq bank teŋge baǧamynyŋ qysqamerzımdı dinamikasy naryqtaǧy kütulerge, salyq tölemderıne, jahandyq naryqtaǧy jaǧdai men geosaiasi ahualǧa täueldı bolatynyn atap öttı. Sonymen qatar altyn-valiuta rezervterınıŋ saqtaluyn qamtamasyz etetın ikemdı aiyrbas baǧamy saiasaty jalǧasatynyn mälımdedı.
