Äleumettık jelıde qoldan jasalǧn 5 000 teŋgelık banknotalardyŋ ainalymda jürgenı turaly video tarp, eldı dürlıktırdı, dep habarlaidy "Adyrna" ūlttyq portaly.
Tiktokqa video jüktegen avtor jalǧan aqşany şyn aqşadan aiyru qiyn ekenın, tek banknotanyŋ bır betındegı “prazdnuem vmeste” sözınen ǧana ajyratuǧa bolatynyn aitady.
Ūlttyq bank äleumettık jelıde taraǧan videolarǧa qatysty mälımdeme jasady.
“Ūlttyq bank äleumettık jelıler men messendjerler arqyly ūlttyq valiuta tüpnūsqa banknotalarynyŋ syrtqy belgılerıne ūqsaityn jäne "Prazdnuem vmeste!", "Ne iavliaetsia platejnym sredstvom" degen bögde jazbalary bar baspa önımderın satyp aludy ūsynatyn jarnamalardyŋ taralu faktılerı anyqtalǧanyn eskertedı. Atalǧan önımder jalǧan bolyp sanalady. Atalǧan jaǧdailar boiynşa Ūlttyq bank olardyŋ taralu faktısın tekseru üşın ışkı ıster ministrlıgıne ötınış joldady. Osyǧan bailanysty, banknotalardy qoldanu kezınde jazularǧa erekşe nazar audaryp, olardyŋ tüpnūsqalyǧyn mūqiiat tekseru ūsynylady”, – delıngen bank habarlamasynda.
Ūqsas jaŋalyqtar
