Inflıaııany tómendetý úshin. Ulttyq bank 70 tonna altyn satyp almaq

1394
Adyrna.kz Telegram
Ashyq derekkózden
Ashyq derekkózden

Ulttyq bank 2025 jyly ınflıaııany tómendetý úshin 70 tonna altyn satyp alýdy josparlap otyr. Bul týraly banktiń saıtynda jazylǵan, dep habarlaıdy “Adyrna” ulttyq portaly.

Ulttyq bank josparynsha, 2024 jyldyń tórtinshi toqsanynda affınajdalǵan altyndy tepe-teń satyp alý úshin 2025 jylǵy birinshi toqsanda shetel valıýtasyn shamamen 750 mlrd teńgege satady.

«Tepe-teńdik operaııalary altyn-valıýta rezervteriniń kólemine áser etpeıtinin atap ótken jón, sebebi altyn satyp alý bırjada valıýtany satýmen óteledi. Satylǵan valıýtalardyń kólemi resmı saıtta aı saıyn jarııalanady», – deıdi Ulttyq bank.

2011 jyly engizilgen norma boıynsha, Ulttyq Bank Qazaqstandaǵy altyn óndirýshi kásiporyndardan altyn satyp alýdy bastaǵan. Ony Qazaqstannyń altyn-valıýta rezervterin tolyqtyryp, altyn óndirý salasyn damytýǵa baǵyttalady dep túsindiredi.

«Elde affınajdalǵan altyn quımalaryn óndirý kólemi aıtarlyqtaı ulǵaıdy. Bul jańa kompanııalarǵa halyqaralyq deńgeıde tanylýǵa múmkindik berdi. Mysaly, «Taý-Ken Altyn» JShS affınaj zaýyty London baǵaly metaldar naryǵy qaýymdastyǵynyń quıma sapasyna tán halyqaralyq standart boıynsha akkredıtteýden ótti», – dep jazylǵan retteýshi habarlamasynda.

2024 jyldyń sońyna qaraı altyn-valıýta rezervindegi altyn kólemi tarıhı eń joǵary kórsetkish – 45,8 mlrd dollarǵa jetken. Biraq altyn baǵasy men ony óndirý kólemi ósýi eldegi ınflıaııaǵa teris áser ete bastaǵan.

Endi retteýshi altyndy satý arqyly túsken dollardy ishki valıýta naryǵynda satýǵa sheshim qabyldaǵan. Muny eldegi ınflıaııany 5%-dyq nysanaly deńgeıge tómendetý maqsatynda jasap otyr.

Pikirler