Konstitusiialyq komissiia jelıde tarap jatqan qauesettı joqqa şyǧardy

Bügın Konstitusiialyq reformalar jönındegı komissiianyŋ törtınşı otyrysynda Konstitusiialyq Sot töraǧasynyŋ orynbasary Baqyt Nūrmūhanov Ata Zaŋǧa belgılı bır aumaqtarǧa qarjy salasynda arnaiy qūqyqtyq rejim engızu nemese «jyldam damu qalalary» dep atalatyn qalalardy qūru mümkındıgın qarastyratyn normany engızu ūsynylyp otyrǧanyn mälımdedı.
 
Baqyt Nūrmūhanovtyŋ aituynşa, būl eŋ aldymen Astanadaǧy Halyqaralyq qarjy ortalyǧynyŋ qyzmetı jäne Alatau qalasyn damytuǧa qatysty. Atalǧan şaralar respublikanyŋ tiımdı ekonomikalyq damuyn qamtamasyz etuge baǧyttalǧan.
 
Būǧan qosa, ol būl ūsynys Qazaqstannyŋ bırtūtastyǧy men onyŋ aumaǧynyŋ bölınbeitındıgı turaly normaǧa eşqandai äser etpeitının alǧa tartyp, äleumettık jelıde tarap jatqan qaueset pen ekıūşty pıkırlerdı joqqa şyǧardy.
 
«Memlekettıŋ bırtūtastyǧy, Qazaqstan aumaǧynyŋ tūtastyǧy, bölınbeitındıgı jäne oǧan qol sūǧylmauşylyǧy turaly norma özgerıssız qalady», — dedı Konstitusiialyq Sot töraǧasynyŋ orynbasary.
 
Esterıŋızge sala keteiık, Konstitusiialyq komissiianyŋ aldyŋǧy otyrysynda aitylǧan būl ūsynysty keibır azamattar dūrys tüsınbei, äleumettık jelıde dabyl qaqqan bolatyn. Alaida, būl Konstitusiialyq komissiia būl mäselege bügın naqty jauap berıp, nüktesın qoidy. Konstitusiiadaǧy Qazaqstannyŋ bırtūtastyǧy men aumaǧynyŋ bölınbeitını turaly norma özgertılmeidı.