Konstitusiiaǧa enetın jaŋa özgerısterde «Halyq ünıne qūlaq asatyn memleket», «Zaŋ men tärtıp», «Taza Qazaqstan» syndy negızgı ideialyq qaǧidattardy normativtık tūrǧyda bekıtu közdelgen. Būl turaly Konstitusiialyq komissiia müşesı, Astana qalasynyŋ äkımı Jeŋıs Qasymbek aitty.
«Ata Zaŋymyzdaǧy «Zaŋ men tärtıp» qaǧidaty – Ädılettı Qazaqstan ideiasyn nyǧaitudyŋ negızgı şeşımı dep sanaimyn. Bügınde älem jūrty Qazaqstandy azamattardyŋ qūqyǧy men bostandyqtaryn mültıksız saqtauǧa airyqşa basymdyq beretın el dep tanidy. Būl bastama bolaşaq ūrpaq üşın bırlık pen yntymaqty, etnosaralyq jäne konfessiiaaralyq kelısımdı odan ärı saqtaudyŋ berık ırgetasyna ainalady», – dedı Jeŋıs Qasymbek Konstitusiialyq reformalar komissiiasynyŋ V otyrysynda.
Elorda äkımı köptegen elde damudyŋ negızgı faktory zaŋ üstemdıgı men tärtıptıŋ saqtaluymen bailanysty ekenın atap öttı. Azamattary özınıŋ zaŋ aldyndaǧy qataŋ jauapkerşılıgın tüsınedı jäne zaŋ men tärtıpke baǧynu mädenietın qataŋ ūstanady. Mūndai elder älemdegı eŋ qauıpsız memleketterdıŋ qatarynda, al adamdary memlekettık instituttarǧa tolyqtai senedı.
2023 jyly Memleket basşysy kötergen «Taza Qazaqstan» ideiasy da el azamattarynyŋ ömır saltyna ainaldy.
«Būl qaǧidatty negızgı postulattardyŋ bırı retınde engızu – azamattardyŋ qorşaǧan orta men bolaşaq ūrpaq aldyndaǧy jauapkerşılıgın qalyptastyrady. «Taza Qazaqstan» – tek qorşaǧan ortaǧa qamqorlyq qana emes: oi men sözdıŋ tazalyǧy, ıs-ärekettegı jauapkerşılık, zaŋǧa jäne qoǧamdyq qūndylyqtarǧa degen qūrmet, kündelıktı ömırde mädeniettı saqtau degen söz», – dedı Jeŋıs Qasymbek.
Sonymen bırge, Jeŋıs Qasymbek är adamdy qūndylyq retınde baǧalaityn «Halyq ünıne qūlaq asatyn memleket» qaǧidasyna da erekşe toqtaldy.
«Jergılıktı memlekettık organdar jūmysynyŋ jemıstı boluy – halyqpen jüielı bailanysty talap etedı. Täjıribe körsetkendei tūrǧyndarmen tūraqty jäne konstruktivtı dialog ornatu – aimaqtardy keşendı damytudaǧy negızgı faktordyŋ bırı. Osyǧan orai atalǧan ūsynystardyŋ bekıtıluın qoldaimyn», – dedı Jeŋıs Qasymbek.
