QR syrtqy ıster ministrı Ermek Köşerbaev resmi saparmen kelgen İzrail memleketınıŋ syrtqy ıster ministrı Gideon Saarmen kezdestı, dep habarlaidy "Adyrna" ūlttyq portaly.
Kezdesu barysynda saiasi dialogtyŋ qazırgı ahualy, sauda-ekonomikalyq jäne investisiialyq bailanystar, turizm, ǧylym, bılım beru jäne densaulyq saqtau salasyndaǧy täjıribe almasu, tehnologiialyq transfer mäselelerı qaraldy.
Sapar aiasynda ekı eldıŋ syrtqy saiasi vedomstvolarynyŋ saiasi konsultasiialarynyŋ 12-şı raundy öttı. Qazaqstan men İzrail ökılderı halyqaralyq jäne öŋırlık kün tärtıbındegı mäselelerdı, sonyŋ ışınde Taiau Şyǧysta beibıt proseske qoldau körsetu jäne senımdı nyǧaituǧa baǧyttalǧan bastamalardy talqylady.
Ermek Köşerbaev ekı eldıŋ diplomatiialyq qatynastary 1992 jyldan berı özara qūrmet pen senımge negızdelgenın, qazırgı kezeŋdegı serıktestıktı jaŋa deŋgeige köteruge daiyn ekenın atap öttı. Ol sauda, investisiialyq jäne tehnologiialyq yntymaqtastyqty, sonymen qatar agrotehnologiia, tamaq önerkäsıbı, densaulyq saqtau, infraqūrylym, energiia tiımdılıgı jäne jaŋartylatyn energiia salalarynda bırlesken jobalardy damytuǧa Qazaqstannyŋ müddelı ekenın jetkızdı.
İzrail SIM basşysy öz kezegınde ekonomikalyq, mädeni jäne gumanitarlyq bailanystardy nyǧaituǧa daiyn ekenın rastady.
Kelıssöz qorytyndysy boiynşa Diplomatiialyq kadrlardy daiarlau jäne Qoǧamdyq diplomatiia salasyndaǧy yntymaqtastyq turaly memorandumdar, sondai-aq turizmdı damytu jäne vizalyq jeŋıldıkter engızu mäselelerı boiynşa memorandumǧa qol qoiyldy.
