Memleket basşysy Qasym-Jomart Toqaev Astana halyqaralyq forumynyŋ plenarlyq otyrysynda söilegen sözınde qazırgı kürdelı geosaiasi jaǧdaida Qazaqstan ūstanatyn negızgı ūstanymdarǧa toqtaldy, dep habarlaidy "Adyrna" ūlttyq portaly.
Prezident jahandyq qauıpsızdıkke tönıp tūrǧan qaterge tek geosaiasi tūrǧydan ǧana emes, keşendı türde qarau qajet ekenın aitty.
«Älemdegı ahual qauıptı jaǧdaida tūr. Multilateralizmnıŋ ünı bäseŋdegen tūsta, proteksionizm küşeiıp barady. Mūndai bei-bereket kezeŋde bızdıŋ mındetımız – yntymaqty saqtap, ydyraǧan jerdı qalpyna keltıru», – dedı Toqaev.
Prezident öz sözınde Qazaqstannyŋ syrtqy saiasatyna toqtalyp, memleketımız ärqaşan beibıt dialog pen özara qūrmetke negızdelgen yqpaldastyqty qoldaitynyn atap öttı. Sonymen qatar, el ışınde ūltaralyq kelısım men mädeni äraluandyqty saqtau – basty basymdyqtardyŋ bırı ekenın jetkızdı.
«Äsıreūltşyldyqqa jol joq. Özge ūlttardyŋ tarihy men mädeni dästürın mensınbeuşılıkke tosqauyl qoiylady. Är halyqtyŋ öz ana tılınde söileuge, töl mädenietın saqtap, damytuǧa tolyq qūqyǧy bar. Sondyqtan Qazaqstanda "Bırlıgımız – äraluandyqta" degen qaǧidatty qataŋ ūstanamyz», – dedı Memleket basşysy.
Ūqsas jaŋalyqtar
