Aitysker aqyn Jandarbek Būlǧaqov äleumettık jelıde änşı Yenlik änın talqylap, synǧa ūşyrady, dep habarlaidy “Adyrna” ūlttyq portaly.
Aqyn BIPL änıne qatysty aitqan synynan keiın tuyndaǧan pıkırtalasqa jauap berdı.
Aqyn Threads äleumettık jelısındegı paraqşasynda taraǧan talqylaularǧa tüsınıkteme berıp, bastapqyda qoiylǧan sūraq tek ännıŋ mazmūnyna qatysty bolǧanyn atap öttı. Onyŋ aituynşa, pıkır bıldıruşılerdıŋ bır bölıgı ännıŋ maǧynasyn tüsıngenın nemese tüsınbegenın baiyppen jetkızgen.
«Jaryqtyq Threads paraqşam bır aunap tüsıptı ǧoi. Al, talaŋdar menı, qazır jauap beremın.
Bırınşıden, “Būl qai än? Kım ne tüsındı?” degen sūraq qoiyldy. Oǧan “Būl — Eŋlıktıŋ änı, maǧynasy osyndai” nemese “Dym tüsınbedım” dep sauatty, salqynqandy jauap bergender bar. Negızgı şarua sonymen bıttı», — dep jazdy ol.
Sonymen qatar Jandarbek Būlǧaqov özıne taǧylǧan «qyz balany synady» degen aiyptaularmen kelıspeitının bıldırdı. Aityskerdıŋ aituynşa, ol önerpazdyŋ jeke tūlǧasyna emes, tek şyǧarmanyŋ taqyryby men mätınıne nazar audarǧan.
«Önerpazdyŋ jynysy, syr-symbaty, tūlǧasy men änşılıgı turaly bır auyz söz aitylǧan ba? Taqyryp mätın emes pe?» — dep tüiındedı aqyn.
