Qazaqstandyq akter, ssenarist, prodiuser Nūrtas Adambai äleumettık jelıde jekpe-jekke qyzyǧatyndarǧa qatysty öz oiyn bıldırdı. Ol ūryp-soǧu täsılı bar sport türlerın mūsylmanǧa jat dep sanaitynyn da jasyrmady, dep habarlaidy “Adyrna” tılşısı.
Bırneşe tanymal filmderdıŋ avtory, prodiuser Nūrtas Adambai dın aiasynda bırneşe taqyryptardy keŋınen qozǧap keledı. Ol özınıŋ Instagram jelısındegı jeke paraqşasynda boks, mma syndy bırqatar sportpen ainalysatyndardy synaǧan.
Äleumettık jelıde adamdardyŋ bır-bırın ūryp-soqqan videolaryn jiı baiqaitynyn aitqan akter ringte bır-bırın jyǧyp jatqan sportşylardy köru “auyr” deidı.
“Soŋǧy kezderı internetten adamdardyŋ bırın-bırı ūryp-soǧatyn videolardy jiı köremın. Men qazır boks, mma, ufc jäne «jauyngerlık sport» dep atalatyn basqa şoular men oqiǧalar turaly jazyp otyrmyn. Hadiste: «Şynaiy mūsylman – tılı men qolynan basqa adamdar zardap şekpeitın adam delıngen. Būl sözderdı mūsylman bauyrlarymyz ūmytyp ketkenı qalai?
Men balalaryn osylai ūrysqa aparatyn adamdardy tüsınbeimın. Olarǧa ne üiretedı? Agressiia, zorlyq-zombylyq?”,-dep jazady Nūrtas Adambai.
Sondai-aq ol mūndai äreketterge aqşa, ataq-daŋq ne özge üşın baratyndardy qūptamaitynyn jetkızdı. Nūrtas Adambai:
“«El namysyn qorǧaimyn!» degen sözge aldanyp qalmaŋyzdar. Bırınşıden, elımızge eşkım şabuyl jasap jatqan joq, Allaǧa şükır. Ekınşıden, eger sızde Otanǧa paida äkelu nietıŋız bolsa, mūny rūqsat etılgen jolmen jasaudyŋ köptegen basqa joldary bar”,-dep sözın qorytyndylady.
Ūqsas jaŋalyqtar
