Elımızde äskeri qyzmetkerler men olardyŋ otbasy müşelerı jylyna bır ret el aumaǧynda jolauşylar poiyzdarymen tegın qatynai alady, dep habarlaidy «Adyrna» tılşısı.
Işkı ıster ministrlıgınıŋ mälımetınşe, bastama äskeri qyzmetkerlerdıŋ äleumettık jaǧdaiyn jaqsartuǧa jäne olardyŋ otbasymen bırge saparlau mümkındıgın arttyruǧa baǧyttalǧan.
«Jolauşylar tasymaly» AQ tasymaldau ekonomikasy jäne esebı departamentınıŋ bas menedjerı Ainūr Bazarbaeva tegın jol jüru qūqyǧy tek Qazaqstan ışındegı baǧyttarda qatynaityn jolauşylar poiyzdaryna qoldanylatynyn atap öttı. Sondai-aq atalǧan şyǧyndar "Qazaqstan temır joly" ūlttyq kompaniiasynyŋ qarajaty esebınen öteletının tüsındırdı.
IM Ūlttyq ūlany Bas qolbasşysynyŋ tärbie jäne äleumettık-qūqyqtyq jūmystar jönındegı orynbasary Qairat Ümbetov jobany ıske asyru barysynda belgılengen talaptardyŋ qataŋ saqtaluy qajettıgın aitty. Sondai-aq atalmyş äleumettık qoldaudyŋ äskeri qyzmetşıler men olardyŋ otbasy müşelerınıŋ äleumettık qorǧalu deŋgeiın arttyruǧa, demalysty aldyn ala josparlauǧa jäne jol şyǧyndaryn edäuır azaituǧa mümkındık beretının jetkızdı.
