Ūlttyq ekonomika ministrı Serık Jūmanǧarin Orda.kz pen BES.media jurnalisterın «jynǧa» teŋedı, dep habarlaidy "Adyrna" ūlttyq portaly Orda.kz saityna sıltep.
Mäjılıs dälızınde Serık Jūmanǧarin brifingtegı öz äreketıne qatysty BAQ aitqan synǧa jauap berdı. Ol Orda.kz pen BES.media jurnalisterın «jynǧa» teŋep, Dostoevskiidıŋ romanyn astarlap aita kettı.
«Sızderdıŋ būqaralyq aqparat qūralyŋyz qalai atalady? «Bes», iä? Atauy qyzyq eken. Bälkım, Mihailovichtıŋ romanyna bailanysty qoiylǧan şyǧar, iä? Mysaly sızder de jazyp jürsızder, «Orda» da jazyp jür. «Ordaǧa» jyndar kırıp ketken siiaqty», – dep äzıldedı ministr.
Aita ketsek, 23 mausym künı senat otyrysynyŋ brifingınde BES.media jurnalisı ministrlıktıŋ mälımetı boiynşa 200 mlrd teŋgeden astam salyqty biudjetke tölemegen kompaniiaǧa qatysty sūraq qoiǧan. Serık Jūmanǧarin ol kompaniianyŋ atyn ataudan bas tartyp, jurnalister ortasynan mūrnyn şüiırıp ötıp, zaldan şyǧyp kettı. Odan keiın qoiylǧan qosymşa sūraqtar da jauapsyz qaldy.
Būǧan deiın joǧary şendı şeneunık AHQO kesırınen milliardtaǧan salyq tölenbeitının aitqan edı.
«Bız salyqty joǧaltyp jatyrmyz, öitkenı AHQO Qazaqstandaǧy qandai da bır qosymşa offşorǧa ainaluy mümkın. Men naqty käsıporyndardy atamai-aq qoiaiyn, bıraq solardyŋ bırı bas keŋsesın holding arqyly sol jerge köşırgen. Sonyŋ saldarynan bız KTS pen QQS salyqtarynan 200 milliardtan astam şyǧynǧa ūşyradyq»,–dedı ol.
