Resei syrtqy ıster ministrlıgınıŋ resmi ökılı Mariia Zaharova Mäskeudıŋ TMD elderıne, sonyŋ ışınde Ortalyq Aziia memleketterıne qatysty saiasatyna bailanysty pıkır bıldırıp, jūrtşylyqty resmi aqparat közderıne ǧana süienuge jäne feikke ermeuge şaqyrdy, dep habarlaidy "Adyrna".
Brifing barysynda jurnalister Zaharovadan Vladimir Solovevtıŋ efirde aitqan sözderın qalai qabyldau keregın sūraǧan. Osyǧan jauap bergen diplomat Reseidıŋ resmi pozisiiasyn tek arnaiy uäkılettı tūlǧalar bıldıretının atap öttı.
«Resmi ūstanymdy ony aituǧa qūqyǧy bar resmi tūlǧalar ǧana bıldıredı», – dedı Zaharova.
Zaharovanyŋ aituynşa, Reseidıŋ Ortalyq Aziia elderımen qarym-qatynasqa qatysty közqarasy bırneşe märte joǧary deŋgeide aitylǧan jäne ol serıktestık pen özara syilastyqqa negızdelgen.
Ol Resei men Ortalyq Aziia halyqtaryn tarihi tūrǧyda tatu körşılık, strategiialyq ärıptestık jäne yntymaqtastyq bailanystary bırıktıretının jetkızdı. Sondai-aq TMD jäne ŪQŞŪ alaŋyndaǧy tūraqty özara ıs-qimyl qauıpsızdık mäselelerın talqylauda maŋyzdy röl atqaratynyn atap öttı.
Mariia Zaharova jeke bır mälımdemelerge qarap qorytyndy jasau dūrys emes ekenın aityp, memleketaralyq qatynastardy naqty äreketterge süiene otyryp baǧalauǧa şaqyrdy.
«Mūndai arandatular köp boluy mümkın. Sondyqtan şynaiy faktılerge süienıp, jalǧan aqparatqa ermeu kerek», – dedı ol.
Vladimir Solovevtıŋ mälımdemelerı talqylanyp jatqan tūsta, BAQ-ta onyŋ efir kestesındegı özgerısterge de nazar audarǧan. Reseilık medianyŋ jazuynşa, soŋǧy uaqytta “Rossiia 1” arnasynda “Vecher s Vladimirom Solovevym” baǧdarlamasy körsetılmei qalǧan. 12 qaŋtardan berı onyŋ ornyna basqa baǧdarlama berılıp jatyr.
Sib.fm deregınşe, būǧan jurnalistıŋ efir barysynda Ortalyq Aziiada «jaŋa arnaiy äskeri operasiia boluy mümkın» degen oi aituy sebep bolǧan. Sonymen qatar ol aimaqtaǧy būrynǧy keŋestık respublikalardy «bızdıŋ jerımız» dep ataǧan.
Būl tūjyrymdar syrtqy saiasatta narazylyq tudyryp, diplomattarǧa serıktes elderge Solovevtıŋ aitqandary Mäskeudıŋ resmi baǧyty emes ekenın tüsındıruge tura kelgen. Resei SIM-ınıŋ ışınde mūndai jaǧdailar «tıkelei efirdegı özıne özı oq atu» dep atalady degen aqparat ta jariialandy.
Būǧan deiın Mäjılıs deputaty Aidos Sarym Solovevtıŋ mälımdemesın «atysqa tūrmaityn masanyŋ şaǧuymen» salystyrǧan. Al Qyrǧyzstanda Solovevtı persona non grata dep jariialau mümkındıgı de qarastyrylyp jatyr.
