Reseı Qyrymdaǵy Sakı aerodromyndaǵy oq-dárilerdiń jarylýyna Ýkraınany aıyptamaıdy. Onyń negizgi sebebi - órt qaýipsizdigi erejelerin saqtamaýdan boldy, dep Reseı áskerı vedomstvosy málimdedi, dep habarlaıdy “Adyrna” ulttyq portaly.
"Sakı aerodromynda birneshe oq-dárilerdiń jarylýynyń basty sebebi retinde tek órt qaýipsizdigi talaptarynyń buzylýy qarastyrylady. Eshqandaı belgiler, aıǵaqtar, tipti ony búldirý maqsatynda qasaqana áser etý faktileri joq", - dedi vedomstvo.
Al amerıkandyq soǵysty zertteý ınstıtýtynyń (ISW) málimetinshe, Reseı tarapy Qyrymdaǵy Sakı aerodromyna zymyrandyq shabýyl jasady dep Ýkraınany aıyptaı almaıdy, óıtkeni «Moskva» kreıseriniń batyp ketýinen keıin bul reseılik áýe qorǵanys júıesiniń álsizdigin kórsetedi.
Aıta keteıik, 9 tamyz kúni tańerteń Reseı Qorǵanys mınıstrligi Qyrymdaǵy Sakı áskerı aerodromynda avıaııalyq oq-dáriler jarylǵanyn jáne aerodromdaǵy avıaııalyq tehnıkanyń zaqymdalmaǵanyn málimdedi.
Jarylystardan keıin bir adam qaza taýyp, bes adam áınek synyqtarynan zardap shekken.
