Resei prezidentı Vladimir Putin Jeŋıs künıne arnalǧan saltanatty ıs-şaralar aiasynda Mäskeuge kelgen bırqatar memleket basşylarymen ekıjaqty kelıssözder jürgızdı. Kezdesulerge Belarus, Qazaqstan jäne Özbekstan prezidentterı qatysty.
Kremldıŋ resmi saity habarlaǧandai, Vladimir Putin Jeŋıstıŋ 81 jyldyǧyna arnalǧan saltanatty ıs-şaralarǧa qatysu üşın Mäskeuge kelgen Belarus Respublikasynyŋ prezidentı Aleksandr Lukaşenkomen kezdestı.
«Ekonomikaǧa, äleumettık mäselelerge qatysty aǧymdaǧy taqyryptar boiynşa ärdaiym talqylaityn dünieler bar. Sauda kölemı bızge syrttan qandai da bır qiyndyqtar tuǧyzuǧa tyrysqanyna qaramastan, rekordtyq deŋgeige jettı. Jalpy alǧanda, jaǧdaiymyz tūraqty», – dedı Putin.
Öz kezegınde Lukaşenko reseilık ärıptesımen kezdesu barysynda ekı el arasynda yntymaqtastyqta eleulı kelıspeuşılıkter joq ekenın mälımdedı.
«Euraziialyq ekonomikalyq odaqta, TMD keŋıstıgınde Reseidıŋ Belaruspen saudasy jalpy tauar ainalymynyŋ 60–65 paiyzyn, tıptı odan da köp bölıgın qūraidy. Iаǧni, bız – postkeŋestık keŋıstıktegı negızgı sauda ärıptesımız. Ärine, mūndai ülken kölemde – şamamen 60 milliard dollarǧa juyq – belgılı bır mäseleler ärqaşan bolady. Bıraq osy jyldar ışınde bız tatu-tättı ömır sürıp kelemız, eşqaşan eleulı daular bolǧan emes. Bır-ekı mäsele tuyndasa, olardy talqylap, ükımetke retteudı tapsyramyz», – dedı Belarus prezidentı.
Putinnıŋ Toqaevpen kezdesuı
Sonymen qatar Kremlde Qazaqstan prezidentı Qasym-Jomart Toqaev pen Vladimir Putinnıŋ kezdesuı öttı.
Qazaqstan basşysynyŋ baspasöz qyzmetı habarlaǧandai, kezdesude memleket basşylary ekıjaqty kün tärtıbındegı keŋ auqymdy mäselelerdı talqylady. Toqaev Resei prezidentınıŋ aldaǧy memlekettık saparyna erekşe nazar audardy.
Qazaqstan prezidentı ekı el arasyndaǧy özara ıs-qimyldyŋ qarqyndy damyp kele jatqanyn atap öttı.
«Memleketterımız arasyndaǧy yntymaqtastyqqa kelsek, mamyr aiynyŋ soŋynda ötetın Sızdıŋ memlekettık saparyŋyzǧa qyzu daiyndalyp jatyrmyz. Soŋǧy bes jylda Resei Qazaqstan ekonomikasyna negızgı investorlardyŋ bırı bolyp keledı. Sauda bailanystary tabysty damuda. Biylǧy jyldyŋ qorytyndysy boiynşa, boljamǧa säikes, tauar ainalymy 30 milliard dollardan asady dep senemız – būl jaqsy körsetkış», – dedı Toqaev.
Öz kezegınde Vladimir Putin Qasym-Jomart Toqaevtyŋ ekı el arasyndaǧy qarym-qatynasty nyǧaituǧa qosqan jeke ülesın atap öttı.
«Bügın jäne erteŋ Sızdı köru bız üşın erekşe quanyş. Būl oqiǧa töŋıregınde türlı jaǧdailarǧa qaramastan, Mäskeuge kelıp, osy künderı Reseimen bırge bolǧanyŋyz – Qazaqstan men Resei arasyndaǧy qarym-qatynastyŋ qandai deŋgeide ekenın aiqyn körsetedı. Būl köp jaǧdaida Sızdıŋ memleketaralyq bailanystardy damytuǧa qosqan jeke ülesıŋızdıŋ arqasy», – dedı Resei prezidentı.
Kezdesu barysynda memleket basşylary öŋırlık jäne halyqaralyq kün tärtıbındegı özektı mäseleler boiynşa da pıkır almasty.
Putinnıŋ Mirziioevpen kezdesuı
Būdan bölek, Resei prezidentı Özbekstan prezidentı Şavkat Mirziioevpen kezdestı.
«Soŋǧy jyldary elderımız arasyndaǧy qarym-qatynas, eŋ aldymen, Sızdıŋ jeke küş-jıgerıŋızdıŋ arqasynda eŋ joǧary deŋgeide damyp keledı. Sauda kölemı artyp, ırı ekonomikalyq jobalar jüzege asyryluda. Resei Özbekstan ekonomikasyndaǧy maŋyzdy investorlardyŋ bırı bolyp qala beredı», – dedı Putin.
Onyŋ aituynşa, Resei Özbekstan ekonomikasyndaǧy eleulı investor märtebesın saqtap otyr.
