Şymkent qalasynyŋ käsıpkerı Baqyt Qalmen bırneşe jyldan berı özın ūiymdasqan qylmystyq toptyŋ qysymyna ūşyraǧanyn aityp, qūqyq qorǧau organdarynan ädıldık taba almai jürgenın mälımdedı.
Onyŋ aituynşa, qylmystyq äreketter saldarynan ol 33 million teŋgeden, avtokölıgınen jäne Nūrsät şaǧyn audanyndaǧy ekı bölmelı päterınen aiyrylǧan.
Käsıpkerdıŋ sözınşe, oqiǧa 2023 jyly Şu audanynda memlekettık tender aiasyndaǧy jūmysty oryndau kezınde bastalǧan. Janar-jaǧarmai tapşylyǧyna bailanysty ol tanysy, käsıpker Täjıhan Ernazarovtan qarjylai kömek sūraǧan. Keiınırek Ernazarovtyŋ atynan kelgen Erzah Turegeldiev özın 23 million teŋge qaryzsyŋ dep qorqytyp, bopsalai bastaǧan.
Baqyt Qalmennıŋ aituynşa, jūmys üşın tölem tüser künı Törehali Abdazimov esımdı azamat aralasyp, «kömektesemın, qorǧan bolamyn» degen uädemen senımge kırgen. Alaida däl sol künı käsıpkerdı ūryp-soǧyp, onyŋ esepşotyna tüsken 33 million teŋgenı jalǧan qūjattar arqyly üşınşı tūlǧanyŋ — käsıpker Nyşan Erjanovtyŋ esepşotyna audartqan. Qalmen sotta Erjanovqa eşqandai qaryzy joq ekenın qūjattarmen däleldegenın aitady, alaida sot būl uäjdı nazarǧa almaǧan.
Keiınırek, käsıpkerdıŋ sözınşe, onyŋ qyzmetkerınıŋ atyna tırkelgen Ravon R3 avtokölıgı de küş qoldanu arqyly tartyp alynǧan. Kölık avtolombardta kepılde tūrǧanyna qaramastan, üşınşı tūlǧalardyŋ atyna räsımdelgen.
Odan bölek, Baqyt Qalmennıŋ äielı Äsem Qalmennıŋ atyna tırkelgen Nūrsät şaǧyn audanyndaǧy päter de qysym arqyly basqa adamnyŋ atyna jazylǧan. Käsıpker būl äreketterdıŋ barlyǧy qorqytu men zorlyq-zombylyq arqyly jasalǧanyn alǧa tartady.
Sondai-aq, Qalmen özın būryn-soŋdy tanymaityn adamdardyŋ atyna 400 million teŋge qaryzym bar degen qolhattardy jazuǧa mäjbürlegenın, aryzdanǧan jaǧdaida sol qaryzdardy moinyna ılıp qoiamyz dep qorqytqanyn jetkızdı. Onyŋ aituynşa, özıne jäne otbasyna, sonyŋ ışınde balalaryna qatysty qoqan-loqy jasalǧan.
Käsıpker būl derekter boiynşa polisiiaǧa bırneşe ret aryzdanǧan. Alaida qūqyq qorǧau organdary ıstı «qylmys qūramy joq» degen negızben toqtatqan. Prokuratura men sot ta käsıpkerdıŋ şaǧymyn qanaǧattandyrmaǧan.
Qazırgı taŋda Baqyt Qalmen özınıŋ ömırı men qauıpsızdıgıne alaŋdap otyrǧanyn aityp, soŋǧy amal retınde Aqorda aldyna baryp özın-özı örteuge daiyn ekenın mälımdedı.
