Onyń sózinshe, qyzmetinen ketý jaıly sheshimdi ol bir kúnde qabyldamaǵan. Al aldaǵy ýaqytta aǵartýshylyq, shyǵarmashylyq qyzmetpen alańsyz aınalysyp, eline qyzmet etýdi jalǵastyrýdy josparlap otyr.
"Shymkent qalasy ákimdiginen jumystan shyqtym. Ákimniń birinshi orynbasary laýazymyna sonaý kovıd órship turǵan daǵdarys kezinde, 2020 jylǵy shilde aıynda kelip edim. Eki jarym jylǵa jýyq jumys isteppin. Odan beri nebir qyzyq, nebir qıynshylyq ótti. Onyń ishinde árıne Qańtardyń oryny erek. Bul sheshim bir kúnde týǵan joq. Birazdan beri pisip jetildi. Birge qyzmettes bolǵan áriptester men ujymǵa bek raqmet! Ázirshe aǵartýshylyq pen shyǵarmashylyqqa den qoımaqpyn. Asyly, memlekettik qyzmetten tys júrip te memleketke qyzmet etýge bolady", - dep jazdy Shyńǵys Muqan.
Oraıy kelgende aıta keteıik, Shyńǵys Muqan Shymkent ákiminiń birinshi orynbasary laýazymyna 2020 jylǵy 29 shildede taǵaıyndaldy. Eńbek jolyn "Jas Alash" gazetinde tilshi bolyp bastaǵan. Ár jyldary energetıka jáne mıneraldy resýrstar mınıstrliginiń baspasóz hatshysy, "Jaıyq-press" JShS-iniń bas dırektory, Batys Qazaqstan oblysy ákimi apparaty basshysynyń orynbasary, prezıdenti ákimshiliginiń ishki saıasat bóliminiń sektor meńgerýshisi, Atyraý oblysy ákiminiń orynbasary, KazPetroDrilling AQ-nyń korporatıvtik damý boıynsha vıe-prezıdenti, "Mazmundama" qoǵamdyq qorynyń tóraǵasy qyzmetterin atqarǵan.
Shyńǵys Muqanǵa jańa belesti eńserý men eline qyzmet etý jolynda tolaıym tabys tileımiz! Abyroıy asqaq, mereıi ústem bolsyn!
"Adyrna" ulttyq portaly
